Türkiyənin Qaziantep Universitetində çalışan azərbaycanlı professor İlqar İmamverdiyevin nəşrə hazırladığı “Dədə Şəmşir ifaçılığında ənənəvi saz havaları” kitabı qardaş ölkədə işıq üzü görmüşdür. Tanınmış musiqi tədqiqatçısı yeni əsərini ünlü aşığın ad günündə Azərbaycansevər oxuculara hədiyyə etmişdir. Nəfis şəkildə çap olunan kitab “Dədə Şəmşir Mədəniyyət Ocağı” İctimai Birliyinin dəstəyi ilə ərsəyə gəlmişdir.

İlqar İmamverdiyev bildirmişdir ki, Aşıq Veysəli kimi tanınan Dədə Şəmşirin anadan olmasının 125 illiyi ərəfəsində hazırlanan kitab unudulmaz sənətkarın yubileyinə bir ərməğandır. Həmyerlimiz əlavə etmişdir ki, kitabın ön sözünün müəllifi, onunla birlikdə çalışan professor Babək Qurbanovun atası, Xalq şairi Osman Sarıvəllinin dəstəyi ilə 1957-ci ildə Dədə Şəmşirin ifasında 75 saz havası lentə alınmışdır. Həmin ifalar Azərbaycan aşıq sənəti incilərinin qorunub yaşadılmasına dəyərli töhfə olmuşdur. Bu irsin Azərbaycanda və Türkiyədə çağdaş sənətsevərlərə çatdırılması önəmli məsələ kimi qarşıda dururdu.

Qeyd edək ki, müəllif ustad aşığın vaxtilə çaldığı 62 saz havasının nota köçürdüyü mətnini və özünün iki bəstəsini kitaba daxil etmişdir.

Namiq QƏDİMOĞLU,
 “Xalq qəzeti”