27 sentyabr Ümumdünya Turizm günü ilə əlaqədar keçiriləcək Koreya Respublikasının səfirliyi, Koreya Ticarət və İnvestisiyaların Təşviqi Agentliyi (KOTRA), Dream Trading (Koreya qida məhsullarının ixracını həyata keçirən şirkət),  Koreya Aqro-Balıqçılıq və Ərzaq Ticarəti üzrə Korporasiyası, Koreya Respublikası Kənd Təsərrüfatı, Ərzaq və Kənd İşləri Nazirliyi tərəfindən Koreya kənd təsərrüfatı məhsullarının nümayişi təşkil olunacaqdır. Koreya mədəniyyətini özündə əks etdirəcək tədbir “İçərişəhər” Dövlət Tarix-Memarlıq Qoruğunda, Qız Qalası yaxınlığında saat 11:00-dan 18:00-a qədər davam edəcək.

Tədbirdə şəhər sakinləri Koreya kənd təsərrüfatı məhsulları ilə tanış olmaq və Koreya milli çay  mədəniyyətinin nümayişini izləmək imkanı əldə edəcəklər.

Qeyd olunanlarla yanaşı, tədbirdə içkilər və çay – zəngçiçəyi armud şirəsi, innab  çayı, sitron çayı, Omica şirəsi, Koreya qırmızı jenşen ekstraktı, spirtli içkilər – sitron ətirli socu (Koreyanın milli şərabı), Makgeoli (düyüdən hazırlanmış milli likör), Liqanqju, qəlyanaltılar – qızardılmış şirin kartof, qızardılmış şabalıd, buğda unundan hazırlanmış Koreya milli ballı peçenyeləri, düyü unundan hazırlanmış Koreya şirniyyatları nümayiş olunacaq.