Bakı Şəhər Mədəniyyət və Turizm Baş İdarəsinin layihəsi əsasında Mədəni Tədbirlərin Təşkili və Yaradıcı Gənclərlə İş üzrə Mərkəzin təşkilatçılığı ilə keçirilən “Retro Bakı” konsertlərini  paytaxt sakinləri və şəhərimizin qonaqları məmnunluqla qarşılayıblar.

Tanınmış estrada mügənniləri və  “Megas” qrupu öz çıxışları ilə tamaşaçıların könüllərini oxşayıb.

Qeyd edək ki, layihə əhalinin və turistlərin asudə vaxtının xoş keçməsi, Azərbaycan musiqi incilərinin, korifey bəstəkarların əsərlərinin səsləndirilməsi məqsədini daşıyır. Sentyabırın 15-dək hər həftəsonu axşam saatlarında Fəvvarələr meydanında  tanınmış müğənnilər tamaşaçıların  görüşünə gələcək.

M.MÜKƏRRƏMOĞLU,
 “Xalq qəzeti”