IV Mədəniyyətlərarası Dialoq Forumunun iştirakçıları Azərbaycan mədəniyyəti və adət-ənənələri ilə tanış olmaq imkanı əldə ediblər. Bu mənada Mədəniyyət və Turizm Nazirliyinin Milli Turizm Təbliğat Bürosunun hazırladığı mədəni tədbirlər proqramı iştirakçıların istirahəti üçün geniş imkanlar yaradıb. Belə ki, paytaxtın Sabir bağında sənətkarlıq nümunələri və milli mətbəx sərgisi açılmış, həmçinin konsertlərin keçirilməsi təşkil olunur.

Mayın 4-də axşam burada məşhur rok qrupunun çıxışı olmuşdur. Dünən Günay İbrahimli,Yaşar Yusub, Samir Salam və digər müğənnilərin iştirakı ilə etno-konsert təşkil olunmuşdur.

Bu gün isə “Dervişbend” qrupunun solisti Nara Vayt öz proqramı ilə çıxış edəcək.

M.MÜKƏRRƏMOĞLU, 
“Xalq qəzeti”