Azərbaycan Milli Kitabxanası ilə Türkiyənin Elm və Ədəbi Əsər Sahibləri Məslək Birliyi (İLESAM) arasında əməkdaşlığa dair müqavilənin rəsmi imzalanma mərasimi keçirilmişdir.

Azərbaycan Milli Kitabxanasının direktoru, professor Kərim Tahirov imzalanan sənədin gələcəkdə birgə layihələrin həyata keçirilməsi, ortaq işlərin reallaşdırılmasındakı əhəmiyyətindən danışmış, əməkdaşlığın ölkəmizdə çap olunan kitabların Türkiyədə, qardaş dövlətdə nəşr olunmuş kitabların isə Azərbaycanda yayılmasına təkan verəcəyini vurğulamışdır. Müqavilənin şərtlərinə müvafiq qarşlılıqlı olaraq, hər iki ölkədə çap ediln yeni kitabların mübadiləsinin həyata keçiriləcəyini bildirilmişdir.

İLESAM-ın sədri Mehmet Nuri Parmaksız kitabın, kitabxananın mədəniyyətlərin formalaşmasındakı rolundan, təşkilatın bu sahədəki fəaliyyətindən, həmçinin respublikamızdakı bir çox təşkilatlarla əlaqələrindən danışmışdır. Hər il təşkilatın vəsaiti hesabına Azərbaycan  şair və yazıçılarının  türk dilində kitablarının nəşr olunmasının iki ölkə arasında ədəbi və mədəni əlaqələrin inkişafında əvəzsiz rol oynadığını diqqətə çatdırmışdır. Qonaq hər il Türkiyə türkcəsində çap olunmuş müxtəlif sahələrə dair 15 min kitabın Azərbaycan kitabxanalarına hədiyyə ediləcəyinin nəzərdə tutulduğunu da qeyd etmişdir.

Müqavilənin rəsmi imzalanma mərasimindən sonra Azərbaycan Yazıçılar Birliyinin katibi, “525-ci qəzet”in baş redaktoru Rəşad Məcid tezliklə qarşılıqlı əməkdaşlığın səmərəli nəticələr  verəcəyini  bildirmişdir.

M.MÜKƏRRƏMOĞLU,
“Xalq qəzeti”