Bu sözləri “Azərbaycanfilm” kinostudiyasının direktoru Müşfiq Hətəmov bildirib.

O, qeyd edib ki,  Milli Məclisdə “Kino haqqında”  yeni qanun hazırlanır.  Direktor  son illər Azərbaycan filmlərinin 50-dən çox ölkədə keçirilən  160-dan çox  festivalda iştirak etdiyini, mükafatlar qazandığını vurğulayıb. Onun  sözlərinə  görə  “Kino haqqında”  ilk qanunun  qəbul edilməsindən  xeyli vaxt keçib. Bu müddət ərzində çox şey dəyişib. Müasir dövrün tələblərinə uyğun olaraq, ölkədə yaradıcı sistemi qurmaq üçün yeni qanun lazımdır. Qanunun qəbulundan sonra Azərbaycan kinosunda əsaslı islahatlar aparılacaq. Məsələn, müstəqil kino fondlarının yaradılması planlaşdırılır.

Azərbaycan kinosunda özəl film infrastrukturu meydana gəlib: Bununla  bağlı direktor bildirmişdir ki, rejissorlar müstəqil olaraq filmlər ekranlaşdırıb. Azərbaycan tamaşaçısının diqqətini çəkməyə başlayıblar. Ola bilər, filmlərin bədii keyfiyyəti zəifdir, amma bu qığılcımı məşələ çevirməliyik. "Azərbaycanfilm" kinostudiyası olaraq bizim əsas məqsədimiz iş görən, iş görməyi bacaran insanlarla əməkdaşlıq etmək və onları dəstəkləməkdir.

M. Hətəmov onu da deyib  ki, yaxın vaxtlarda komediya filmləri sahəsində İran və Türkiyə prodüserləri ilə iş birliyinin qurulması planlaşdırılır.

M.MÜKƏRRƏMOĞLU,
“Xalq qəzeti”