AZƏRTAC-ın fotomüxbiri İlqar Cəfərovun “On the cycle track” (“Velotrekdə”) fotosu Bardeyev şəhərində (Slovakiya) keçirilən beynəlxalq müsabiqədə Slovakiya Fotoqraflar Federasiyasının gümüş medalına layiq görülüb.

Beynəlxalq Fotoqrafiya Sənəti Federasiyasının (FIAP) himayəsi altında keçirilən və beş kateqoriyadan ibarət müsabiqəyə dünyanın müxtəlif ölkələrindən olan 214 fotoqrafın fotoşəkilləri daxil olub.

“On the cycle track” (“Velotrekdə”) fotosu “İdman, dinamika, hərəkət” kateqoriyasında mükafat qazanıb. Bu fotoşəkil 2016-cı ilin avqustunda Rio-de-Janeyroda (Braziliya) keçirilən XXXI Yay Olimpiya Oyunlarında çəkilib.