Azərbaycan mədəniyyəti beynəlxalq arenada

“Yuxarıda və aşağıda” qısametrajlı bədii filmi “Umut” MDB ölkələrinin Qırğızıstanın paytaxtı Bişkek şəhərində keçirilən  film forumunun müsabiqə proqramında “Ən yaxşı bədii film” diplomuna layiq görülüb. Film Azərbaycan Respublikası Mədəniyyət və Turizm Nazirliyinin dəstəyi ilə Cəfər Cabbarlı adına “Azərbaycanfilm” kinostudiyasında lentə alınan “4.1 Şəhər Motivləri” kinoalmanaxına daxildir.

“Yuxarıda və aşağıda” filminin beynəlxalq premyerası Almaniyanın Kottbus film festivalının “Fokus” proqramında baş tutub.

* * *

 “İçərişəhər” bədii filmi 20-ci Tallin “Qaranlıq gecələr” Beynəlxalq Film Festivalına dəvət alıb. Festival bu il noyabrın 11-dən 27-dək Estoniyanın paytaxtı Tallində keçiriləcək. Filmimiz festivalın “Forum” proqramında nümayiş etdiriləcək.

“İçərişəhər” tammetrajlı bədii filmi Azərbaycan Respublikası Mədəniyyət və Turizm Nazirliyinin sifarişi ilə Cəfər Cabbarlı adına “Azərbaycanfilm” kinostudiyasında lentə alınmışdır.

Qeyd edək ki, film Misirin 35-ci Qahirə Beynəlxalq Film Festivalı və 47-ci Hindistan Beynəlxalq Film Festivalına da dəvət alıb. Təhminə Rafaella filmdəki ifasına görə Türkiyənin 5-ci Van gölü Beynəlxalq Film Festivalının “Ən yaxşı aktrisa” mükafatına layiq görülüb.

* * *

Qusar Dövlət Ləzgi Dram Teatrının kollektivi Moskvada qastrol səfəri çərçivəsində iki tamaşa ilə çıxış edib. Teatrın kollektivi “Çayka” mədəniyyət evinin səhnəsində dahi bəstəkar Üzeyir Hacıbəylinin “Arşın mal alan” və Dağıstan Respublikasının Əməkdar incəsənət xadimi, yazıçı-dramaturq Asəf Mehmanın əsəri əsasında hazırlanan “Sədəf” tamaşalarını ləzgi dilində təqdim edib.

Hər iki səhnə əsəri moskvalı tamaşaçılar, xüsusilə orada yaşayan həmyerlilərimiz tərəfindən alqışlarla qarşılanıb. Bununla yanaşı, tamaşaçılara folklor qruplarının ifası və milli rəqslər də təqdim olunub.

* * *

Rejissor Zamin Məmmədovun “Onun atası” filmi Hindistanın 5-ci Dehli Beynəlxalq Film Festivalına dəvət olunub. Film festivalın qısametrajlı bədii filmlərin əsas müsabiqə proqramında yer alıb. Festival 3-9 dekabr tarixlərində Nyu-Dehli şəhərində keçiriləcək.

“Onun atası” bədii filmi Azərbaycan Respublikası Mədəniyyət və Turizm Nazirliyinin sifarişi ilə Cəfər Cabbarlı adına “Azərbaycanfilm” kinostudiyasında dörd gənc rejissor tərəfindən lentə alınan “40-cı paraleldə” kinoalmanaxına daxil olan qısametrajlı filmlərdən biridir.

Hazırladı: M.MÜKƏRRƏMOĞLU,
“Xalq qəzeti”


© İstifadə edilərkən "Xalq qəzeti"nə istinad olunmalıdır.



  • I Avropa Oyunlarının təəssüratları uzun müddət xatirələrdə yaşayacaq

    I Avropa Oyunlarının təəssüratları uzun müddət xatirələrdə yaşayacaq

  • Hər gün bir tarix, hər gün bir zəfər

    Hər gün bir tarix, hər gün bir zəfər

  • Birinci Avropa Oyunları məşəlinin Bakının mədəniyyət və incəsənət mərkəzlərinə səyahəti

    Birinci Avropa Oyunları məşəlinin Bakının mədəniyyət və incəsənət mərkəzlərinə səyahəti

  • “Bakı – 2015”-in məşəli bölgələrə səyahətin son günündə bəşəriyyətin keçmişinə işıq salıb paytaxta qayıdır

    “Bakı – 2015”-in məşəli bölgələrə səyahətin son günündə bəşəriyyətin keçmişinə işıq salıb paytaxta qayıdır

  • Siyəzən birinci Avropa Oyunlarının məşəl estafetini qəbul etdi

    Siyəzən birinci Avropa Oyunlarının məşəl estafetini qəbul etdi

Çox oxunanlar



Təqvim

Hava haqqında