“Təhsil Cəmiyyəti”nin təşkilatçılığı və “Akademi Group” Xaricdə Təhsil Mərkəzinin dəstəyi ilə  Bakıda Türkiyə universitetlərinin növbəti təhsil sərgisi keçirilir.

“Akademi Group” Xaricdə Təhsil Mərkəzinin layihə rəhbəri Razi Vəliyev bildirdi ki, qurumun hər il təşkil etdiyi bu sərgilərdə qardaş ölkənin yüksək keyfiyyətli ali təhsil imkanı, yataqxana və digər sosial məsələlər barədə Azərbaycan gənclərinə və onların valideynlərinə ətraflı məlumat verilir, Türkiyə universitetlərində pulsuz təhsil imkanlarını açıqlayan təqdimatlar keçirilir. Bu gün və sabah  “Hilton” otelində təqdim olunacaq sərgidə də Türkiyənin İstanbul Aydın, Bahçeşehir, İstanbul Kültür, Üsküdar Universiteti kimi tanınmış ali məktəblərinin təmsilçiləri saat 12-dən 17-dək öz universitetləri barədə soydaşlarımızın bütün suallarını ətraflı cavablandıracaqlar.

 Əlavə olaraq, seminarların keçirilməsi də nəzərdə tutulur. Sərgidə Türkiyənin Bakıdakı səfirliyinin təhsil müşavirliyinin məsul nümayəndələri də iştirak edəcəklər.

Namiq QƏDİMOĞLU,
“Xalq qəzeti”