İndi  dünyanın  bir  sıra məşhur  telekanalları Azərbaycan, onun  paytaxtı  Bakı  haqqında  maraqlı  proqramlar  nümayiş etdirirlər. Bu proqramlarda ölkəmizdə  son vaxtlar həyata keçirilən  quruculuq işlərindən, paytaxtda  və regionlarda  baş verən yeniliklərdən, Azərbaycanın  milli-mənəvi  dəyərlərindən, yeni turizm obyektlərindən  söhbət açılır.

Bu yaxınlarda Rumıniyanın “TVR2” ictimai televiziya kanalında “Bakı küləklərin qoynunda” adlı sənədli film nümayiş etdirilib. Azərbaycanda olmuş rumıniyalı jurnalistlər ölkəmizin tarixi, adət-ənənələri, azərbaycanlıların qonaqpərvərliyi, “Bakı-2015” birinci Avropa oyunları barədə məlumat verib. Şəhərin gözəl guşələri, yaşıllıqları, aparılmış abadlıq işləri filmdə öz əksini tapıb.

Məlumat üçün bildiririk ki, “TVR2” kanalında dünyanın müxtəlif şəhərləri haqqında veriliş hər həftə yayımlanmaqdadır.

M.MÜKƏRRƏMOĞLU,
“Xalq qəzeti”