“Əli və Nino” romanı əsasında filmin Bakıda çəkilişlərindən  sonra  Türkiyə ərazisində   davam etdirilir. Qeyd edək ki, filmin icraçı prodüseri Heydər Əliyev Fondunun vitse-prezidenti Leyla Əliyevadır. Filmin   çəkilişləri yaxın vaxtlarda tamamlanacaq və sonra istehsal prosesi  davam etdiriləcək.

Azərbaycanda baş tutan çəkilişlər Bakı və Bakıətrafı rayonlarda – Qobustan, Bibiheybət, İçərişəhərdə həyata keçirilib.

Çəkilişlər həmçinin Azərbaycanın bölgələrində – Xınalıqda və Gədəbəydə aparılıb.

Filmin ssenari müəllifi britaniyalı yazıçı, ssenarist və kinorejissor, “Oskar” mükafatı sahibi Kristofer Hempton, prodüseri Kris Tikye, rejissoru isə Asif Kapadiyadır. Azərbaycanlı Əlixan Şirvanşirin rolunu isə aktyor Adam Bakri,  Nino rolunu isə Mariya Valverde canlandıracaq.

M.MÜKƏRRƏMOĞLU,
“Xalq qəzeti”