Görkəmli Azərbaycan yazıçısı Kamal Abdullanın “Yarımçıq əlyazma” kitabı italyan dilində çapdan çıxıb.

Daniele Franzoninin tərcümə etdiyi kitabda “Ön söz”ün müəllifi görkəmli yazıçı və tarixçi, Florensiya Universitetinin professoru Franko Kardini, redaktoru isə professor Mikele Bernardinidir.

Bu əsərdə Kamal Abdulla “Dədə Qorqud” hekayətlərinin ilk və yarımçıq layihəsini əks etdirib. Romanda VIII əsrdən XV əsrədək oğuz eli tayfalarının həyatı ilə bağlı maraqlı məqamlar yer alıb.

“Sandro Teti” nəşriyyat evində çapdan çıxan kitabın “Ön söz”ündə professor Franko Kardini romanın italiyalı oxucuları tərəfindən bəyəniləcəyinə əminliyini vurğulayıb.

Maqsud Dadaşov,
AzərTAc-ın xüsusi müxbiri

Roma