Park Cinema Metro Park-da “47 ronin” filminin premyeradan 5 gün öncə xüsusi nümayişi keçirildi.

Təşkilatçıların fikrincə, bu gün filmin maraqlı təqdimatı üçün onu sadəcə nümayiş etdirmək və onun haqqında danışmaq azdır. Təqdimatın başqalarından seçilib yaddaşlarda qalması üçün hadisə qərəkdir. Nəzərə alsaq ki, film samuraylardan bəhs edir, o zaman Park Cinema kinoteatrının da öz tamaşaçılarını yadda qalan performansla təəccübləndirə bildiyini də etiraf etməliyik.

Girişdə makiyaj və saç düzümüləri tamamilə yapon adətlərinə uyğun kimono geyinmiş qızlar tamaşaçıları ənənəvi şərq qonaqpərvərliyi və təbəssümlə qarşılayırdılar. Qeyd edək ki, furşetdə təqdim olunan təamlar da yapon mətbəxinə aid idi. Xollda  həmçinin yapon musiqisi və “47 ronin” filmindən saundtreklər səslənirdi. Mehriban görüş və ünsiyyətdən sonra kinomanlar zalda yerlərini alıb ilin sonuncu xüsusi premyerasına baxdılar.

Yapon əfsanəsi əsasında çəkilən filmdə baş rolu aktyor Kianu Rivz ifa edir. Filmdə fantastika və Amerika ekşnı ilə yapon sadəliyi və təmkinliliyinin sintezi böyük ustalıqla təşkil olunub.

Ölkədə ilk yeni nəsil kinoteatrlar şəbəkəsi olan Park Cinema 16 oktyabr 2010-cu ildə  fəaliyyətə başlamışdır. Hazırda şəbəkə 3 kinoteatr, 13 zal və 2200-dən artıq oturacaq yerinə malikdir. Burada ölkədə ilk dəfə olaraq 3D və HFR formatları təqdim olunmuşdur. Şəbəkənin kinoteatrlarında ən son texnologiyalardan istifadə olunmuş və kinoproyeksiya sahəsində təqdim olunmuş aparıcı  brendlərdən olan avadanlıqlar quraşdırılmışdır. Şəbəkə və repertuar haqqında ətraflı məlumatı www.parkcinema.az saytından və Facebook sosial şəbəkə səhifəsindən http://www.facebook.com/ParkCinema əldə etmək olar.

"Xalq qəzeti"