Noyabr   ayının   20-dən  23-dək  I Bakı Beynəlxalq Turizm Filmləri Festivalı keçiriləcək. Festivalın müsabiqə proqramına

31 ölkədən 78 film daxil edilib.

Nizami Kino Mərkəzində nümayiş olunacaq filmləri kinematoqrafçılardan, həmçinin səyahət və turizm ekspertlərindən ibarət 7 nəfərlik beynəlxalq münsiflər heyəti qiymətləndirəcək.  Bu barədə Mədəniyyət və Turizm Nazirliyinin   mətbuat xidməti məlumat yayıb. Məlumatda deyilir ki, münsiflər heyətinin 3 üzvü Azərbaycandan – Azər Qərib, Vasif Babayev, Cəmil Fərəcov, 4 üzvü isə xarici ölkələrin təmsilçisidir – Aleksandr Kammel, Lela Krstevska, Devid Kuper, Qriqoris Koulbanis.

Bakı Beynəlxalq Turizm Filmləri Festivalının rəsmi sponsoru Garant Holding, sponsoru Nar Mobile, rəsmi tərəfdaşı JW Marriot Absheron Baku, informasiya dəstəkçiləri İctimai Televiziya, APA Holdinq və day.az saytıdır. Festivalın təşkilati işlərini “Azanfilm” studiyası həyata keçirir.

M.MÜKƏRRƏMOĞLU,

“Xalq  qəzeti”