Populyar müğənni və bəstəkar Emin Ağalarov "Eurovision - 2012" mahnı müsabiqəsinin favoritlərinin adlarını açıqlamışdır
Bakıda keçiriləcək "Eurovision - 2012" mahnı müsabiqəsinin favoritləri sırasında Azərbaycanın və Böyük Britaniyanın təmsilçiləri Səbinə Babayevanı və Engelbert Hamperdinki göstərmək istəyirəm. Fikrimcə, bu müğənnilərin qalib gəlmək şansları daha yüksəkdir.
Bu sözləri populyar müğənni və bəstəkar Emin Ağalarov eurovision.az saytına açıqlamasında demişdir. O, eyni zamanda, "Baku Crystal Hall"ın səhnəsində Rusiyanın adından çıxış edəcək "Buranovskiye babuşki" qrupunu da dəstəklədiyini söyləmişdir.
Tanınmış musiqiçi Azərbaycan paytaxtında keçiriləcək 57-ci "Eurovision" mahnı müsabiqəsinin möhtəşəmliyi ilə əvvəlkilərdən tamamilə fərqlənəcəyi qənaətindədir. "May ayında Bakıya gələn hər bir kəs Azərbaycanın gözəlliyinə, insanlarına heyran olacaqdır", - deyə Emin Ağalarov bildirmişdir.
AzərTAc