Dekabrın 8-dən 11-dək Moskvada MDB-nin 20 illik yubileyi münasibətilə SSRİ xalq artistlərinin görüşü keçiriləcəkdir. 
Bu görüşə Azərbaycan incəsənətinin tanınmış nümayəndəsi, Milli Məclisin deputatı Zeynəb Xanlarova da dəvət olunmuşdur. Z.Xanlarova dekabrın 8-də Rusiyanın paytaxtına gedəcəkdir.
Milli Məclisin mətbuat xidmətindən bildirmişlər ki, tədbir MDB iştirakçısı olan ölkələrin Humanitar Əməkdaşlıq üzrə Dövlətlərarası Fondunun təşkilatçılığı ilə keçiriləcəkdir.
Görüşdə Z.Xanlarova tarixi-mədəni irsin qorunması və bu sahədə əməkdaşlığın daha da genişləndirilməsinə dair fikir mübadiləsində yaxından iştirak edəcəkdir.
AzərTAc