Ukraynada “British Council” və Dovjenko Kino Mərkəzinin dəstəyi ilə kino bəstəkarları üçün müsabiqə keçirilib. Diasporla İş üzrə Dövlət Komitəsindən bildirilib ki, “Envision Sounds” adlanan müsabiqəyə MDB ölkələrindən 50-yə yaxın bəstəkar müraciət edib və qaliblər arasında 13 azərbaycanlı bəstəkar da var. Qaliblər xüsusi təhsil və inkişaf proqramında ıştirak edəcəklər.

Beş bəstəkar Ukraynanın Kiyev və Odessa şəhərlərində keçirilən 8-ci “Səssiz gecələr” festivalına dəvət alıb. Həmyerlimiz Azər Hacıəsgərli də onların sırasındadır. O,  britaniyalı rejissor Entoni Askvitin 1928-ci ildə çəkdiyi “Yeraltı” filminə musiqi yazıb.

Film tamaşaçılara təqdim olunub və alqışlarla qarşılanıb.

M.MÜKƏRRƏMOĞLU,

“Xalq  qəzeti”