Azərbaycanda hərbi vəziyyətlə əlaqədar olaraq daşınar abidələr onların məhv edilməsi, oğurlanması və ya korlanması təhlükəsi qarşısında qanunvericiliklə müəyyən edilmiş qaydada müvəqqəti olaraq təhlükəsiz rayonlara köçürülə biləcək.

Bu məasələ Prezidenti İlham Əliyevin imzaladığı sərəncamla qüvvəyə  minən “Tarix və mədəniyyət abidələrinin qorunması haqqında” Azərbaycan Respublikasının Qanununda dəyişiklik edilməsi barədə” qanunda əksini tapıb.

“Tarix və mədəniyyət abidələrinin qorunması haqqında” qanuna əsasən indiyə qədər yalnız fövqəladə hallarla əlaqədar olaraq daşınar abidələr onların məhv edilməsi, oğurlanması və ya korlanması təhlükəsi qarşısında qanunvericiliklə müəyyən edilmiş qaydada müvəqqəti olaraq təhlükəsiz rayonlara köçürülə bilərdi.

M.MÜKƏRRƏMOĞLU,

 “Xalq qəzeti”