Rus Pravoslav kilsəsinin Bakı-Azərbaycan Yeparxiyasının arxiyepiskopu Aleksandr Ata AMEA-nın Milli Azərbaycan Tarixi Muzeyini ziyarət edib.

www.science.gov.az saytı yazır ki, qonağı muzeyin direktoru, akademik Nailə Vəlixanlı qarşılayıb. Aleksandr Ata muzeyin ekspozisiya zalları və yeni açılan Qazaxıstanın “Böyük çölün mirası. Zərgərlik sənətinin şah əsərləri” adlı sərgi ilə  tanış olub. Bakının arxiyepiskopuna muzeyin bütün dövrlərini əks etdirən eksponatlar barədə ətraflı məlumat verilib.

Şərq və Avropanın sintezini özündə cəmləşdirən muzeyin möhtəşəm binası və zalları qonağın xüsusi marağına səbəb olub. Sonda Aleksandr Ataya muzeyin nadir inciləri – kataloq və bukletlər hədiyyə olunub.

Əlipənah BAYRAMOV,
“Xalq qəzeti”