www.science.gov.az saytından aldığımız xəbərə görə, AMEA Yüksək Texnologiyalar Parkı (YT Park) Bakı Fond Birjasının (BFB) kapital bazarından maliyyələşməni təşviq edən məlumat və məsləhət xidmətləri proqramı – “Listinq Məsləhət Proqramı”na qoşulub.

Bu münasibətlə “Listinq Məsləhət Proqramı”na qoşulma haqqında saziş imzalanıb və BFB-də “Açılış zəngi” mərasimi keçirilib.

Sazişə əsasən, Bakı Fond Birjası YT Parkın rezidenti olan şirkətlərin birja vasitəsilə maliyyə vəsaitlərinə çıxış imkanlarının genişləndirilməsinə, təlim proqramlarının təşkil edilməsinə şərait yaradacaq, eləcə də YT Parkın BFB vasitəsilə maliyyələşmə həllərini öz xidmət kataloquna daxil edəcək.

                                                                             İ.Əmənullayev
“Xalq qəzeti”