AMEA-nın Nizami Gəncəvi adına Milli Azərbaycan Ədəbiyyatı Muzeyi mayın 18-də “Açıq qapı” günü elan edib. “Açıq qapı” günündə paytaxt sakinləri və şəhərimizin qonaqları muzeyin zəngin ekspozisiyası ilə ödənişsiz tanış olmaq imkanını əldə edəcəklər.

www.science.gov.az saytı yazır ki, gün ərzində muzeyi ziyarət edənlərə Azərbaycanın mədəni irsini və qədim tarixini əks etdirən eksponatlar barədə ətraflı məlumat veriləcək, onlar qədim və orta əsrlərə aid mədəniyyət nümunələri, rəsm və heykəltəraşlıq əsərləri ilə yaxından tanış ola biləcəklər.

Qeyd edək ki, muzey saat 17:00-dək fəaliyyət göstərəcək.  
 

                                            Əlipənah BAYRAMOV,
“Xalq qəzeti”