“Atəşgah Məbədi” DTMQ ilə “Atəşgah Art Centre”  birgə ümummilli lider  Heydər Əliyevin anadan olmasının  95-ci ildönümünə həsr olunan “Rənglərin festivalı” tədbiri keçirəcək. Festivalın açılış mərasimi  mayın  5-də olacaq.

Tədbirdə sənətkarlara dəstək məqsədi ilə “Sənətkarlıq  yarmarka”sı təşkil ediləcək. Yarmarkada 80-ə yaxın sənətkarın əl işləri nümayiş olunacaq. Nəinki Bakıdan, Azərbaycanın bölgələrindən də tədbirə  sənətkarlar  qoşulacaqlar.

“AyArt Studio”nun 100-dən yuxarı rəsm əsərləri sərgilənəcəkdir.

Azərbaycan xalq sənət inciləri həm turistlərə, həm də yerli əhaliyə təqdim olunacaq.

M.MÜKƏRRƏMOĞLU,
“Xalq qəzeti”