Bakı mayın 1-ndən 31-ə kimi  dünyanın ticarət mərkəzinə çevriləcək. Bu barədə “Hello! Russia” jurnalı “Bakıda şoppinq festivalı keçiriləcək” adlı məqalədə qeyd edib. Jurnal  paytaxt Bakının artıq ənənə halını almış  bu təşəbbüsünü müsbət qiymətləndirib.

Jurnal bildirib ki, mayda başlayacaq  festivalda 800 mağaza təmsil olunacaq. İştirakçılar  festival çərçivəsində endirim aksiyalarından yararlanaraq, münasib qiymətə alış-veriş edə biləcəklər. Buraya dünyanın nüfuzlu brendlərinə daxil olan geyimlər, kosmetika, parfümeriya nümunələri, məişət və  elektronik əşyalar, mebel  və s. daxildir. Istər yerli, istərsə də xarici vətəndaşlar festivaldan yararlana biləcəklər.

Əfsanə BAYRAMQIZI,
“Xalq qəzeti”