Bakı Yunus Əmrə İnstitutunda “Yahya Kamal: Bir İstanbul şairi” adlı konfrans keçirilib. Bakı Yunus Əmrə İnstitutunun rəhbəri Cihan Özdemir konfransın  vacibliyindən  danışıb. O bildirib ki, konfrans  Azərbaycan və Türkiyə ədəbiyyatının dəyərli nümunələrinin təbliği, şairlərin ictimaiyyətdə tanıdılması, iki ölkə arasında mədəni əlaqələrin gücləndirməsində böyük əhəmiyyətə malikdir.

Sonra şair, esseist və tərcüməçi Qismət Rüstəmov türk ədəbiyyatının böyük şairi Yahya Kamal Beyatlının həyat və yaradıcılığı barədə geniş məlumat verib.

Tədbirdə şairin İstanbul sevgisindən bəhs edilib, şeirləri oxunulub, haqqında söylənilən fikirlər səsləndirilib.

“Xalq qəzeti”