Bakı Şəhər Mədəniyyət və Turizm Baş İdarəsinin G.Şaroyev adına 35 nömrəli onbirillik musiqi məktəbində Xalq Cümhuriyyətinin 100 illiyinə həsr olunmuş konsert keçirilib.

İdarənin mətbuat xidmətindən verilən məlumata görə, konsertdə iştirak edən Bakı Şəhər Mədəniyyət və Turizm Baş İdarəsinin rəisi Vuqar Zeynalov  G.Şaroyev adına 35 nömrəli onbirillik musiqi məktəbinin fəaliyyətindən söz açaraq, keçirilən bütün tədbirlərdə fəal iştirakını qeyd edib. Sonra V.Zeynalov məktəbin şagirdlərini Fəxri fərmanlarla təltif edərək kollektivə gələcək fəaliyyətində uğurlar arzulayıb.

Şagirdlərin ifasında Q.Qarayevin “Prelüd” lya bemol major, T.Quliyevin “Sevgi valsı”, Pikə Axundovanın “Qəlbimin səsi”, F.Şopenin “14 saylı Etüd”, Dvorjakın “Melodiya”, Kurtisin “Torna a Sorrento”, Miroşnikovun “Rəqs”, Montinin “Çardaş” və digər Azərbaycan və dünya bəstəkarlarının əsərləri səsləndirilib.

Sonda xor kollektivi Arzu Abbasovanın “Bayraq” və M.Maqomayevin “Azərbaycan” əsərlərini ifa ediblər.

M.MÜKƏRRƏMOĞLU,

 “Xalq qəzeti”