17 aprel 2018-ci il tarixində saat 10:00-da AMEA-nın Milli Azərbaycan Tarixi Muzeyində ümummilli lider Heydər Əliyevin 95 illik yubileyinə həsr olunan “Muzey, arxiv və kitabxanalarda qorunan milli dəyərlərin tədqiqi, təbliği, mühafizəsi və bərpası” adlı II respublika elmi konfransı keçiriləcək.

www.science.gov.az saytının məlumatına görə, iki seksiyadan ibarət olan konfransda muzey əməkdaşları ilə yanaşı, respublikanın müxtəlif elmi-tədqiqat institutlarının nümayəndələri iştirak edəcək.  Tədbirdə tarix, etnoqrafiya, arxeologiya, numizmatika, muzey, kitabxana və arxiv mövzuları üzrə 50-ə yaxın iştirakçının elmi məruzələri dinləniləcək.

Əlipənah BAYRAMOV,
“Xalq qəzeti”