Azərbaycanın görkəmli bəstəkarı Qara Qarayevin  anadan olmasının 100  illiyi münasibəti ilə Ankarada konsert təşkil ediləcək. Bu barədə Türkiyənin  “Hürriyyət” qəzetində “Azərbaycanın tanınmış bəstəkarı konsertlə anılacaq” sərlövhəli xəbərdə bildirilir.  

Konsert aprelin 15-ində Ankarada yerləşən opera səhnəsində baş tutacaq. Konsert proqramında bəstəkarın “Yeddi gözəl”, “İldırımlı yollarla” əsərlərindən parçalar səslənəcək. Proqramda həmçinin gənc bəstəkar Duyğu Dəniz Dəmirəlin ilk dəfə olaraq “Üsulsuz üsullar” adlı trio əsəri də tamaşaçılara təqdim olunacaq. Konsertin təşkilatçısı Özgür İncə konsert  barədə təəssüratlarını bölüşərək deyib: “Azərbaycan xalq mahnılarından ibarət proqramla səhnədə olacağımız bu özəl konsertdə sənətsevər dostlarımızla görüşməyi arzulayırıq.”

Əfsanə BAYRAMQIZI,
“Xalq qəzeti”