Kaluqa vilayətindəki (Rusiya Federasiyası) Gənclər Mərkəzində Azərbaycan Mədəniyyəti Günü keçirilmişdir.

Tədbirin təşkilatçıları qismində Kaluqa Vilayət Mədəniyyət Mərkəzi, “Rusiya sülh Fondu”nun vilayət bölməsi və regional Azərbaycan milli-mədəni muxtariyyəti çıxış etmişlər.

Tədbirin başlanmasından əvvəl Gənclər Mərkəzinin foyesində tətbiqi yaradıcılıq sərgisi açılmışdır.  Buraya gələnlər həmin sərgidə milli yaradıcılığın bütün koloritini görə bilmişlər. Azərbaycan mətbəxi ilə yaxından tanış olmağı arzu edənlərə milli xörəkləri dadmaq imkanı  qazanmışlar.

Bayram şənliyi konsert proqramı ilə davam etmişdir.

M.MÜKƏRRƏMOĞLU,
“Xalq qəzeti”