Estoniyanın Tallinn şəhərinin Vormsi mədəniyyət mərkəzində “Aydan” Estoniya-Azərbaycan Mədəniyyət Mərkəzinin təşkilatçılığı ilə Azərbaycan Xalq Cümhuriyyətinin (AXC) və Estoniya Respublikasının yaranmasının 100 illiyi qeyd edilib.

Diasporla İş üzrə Dövlət Komitəsindən verilən məlumatda bildirilir ki, tədbirdə çıxış edən diaspor təşkilatının rəhbəri Niyazi Hacıyev AXC haqqında danışaraq respub­likanın mövcud olduğu 23 ay ərzində bir çox sahələrdə əldə etdiyi nailiyyətlər barədə tədbir iştirakçılarına məlumat verib. O, Azərbaycan-Estoniya əlaqələrindən bəhs edərək istər sovet dövründə, istərsə də müstəqillik dövründə bu əlaqələrin daim yüksələn xətlə inkişaf etdiyini bildirib. Daha sonra Niyazi Hacıyev Azərbaycan Respublikasının müstəqilliyini bərpa etməsindən sonra aparılan uğurlu daxili və xarici siyasət nəticəsində sürətlə inkişaf etdiyini vurğu­layıb. Azərbaycan Respublika­sının uğurlarının bəzi dairələr tərəfindən qısqanclıqla qarşı­lanmasını qeyd edən diaspor rəhbəri ölkəmizə qarşı sosial şəbəkədə aparılan çirkin kampa­niyanı pisləyib.

Azərbaycan Xalq Cümhuriyyətinin və Estoniya Respublikasının yaranmasının 100 illiyinə həsr olunmuş tədbir konsert proqramı ilə başa çatıb.

Samirə ƏLİYEVA,
“Xalq qəzeti”