Şamil Əliyevin “Çölçü” filmi 2018-ci ilin fevral ayının Mükafatına layiq görülüb. Buna görə də Mükafatı – “Yaxşıların yaxşısı” statusunu qazanıb.

Mükafatın təqdimetmə mərasimi 2018-ci ilin oktyabr ayında  Hindistanın Kəlküttə şəhərindəki Rotary Sadan mərkəzində keçiriləcək.

Antonioni, Tarkovski, Qodar, Berqman kino mükafatlarının nominantı olan Şamil Əliyevin “Çölçü” filmi Azərbaycan Respublikası Mədəniyyət və Turizm Nazirliyinin sifarişi ilə 2012-ci ildə istehsal olunub. Şamil Əliyevin “Çölçü” bədii filmi 5  qitəni əhatə edərək 37 Beynəlxalq kino festivalında iştirak etmiş, bir sıra mükafatlara layiq görülüb. Bu festivallar A və B kateqoriyalıdır. Azərbaycan Respublikası Mədəniyyət və Turizm Nazirliyinin sifarişi ilə “Azərbaycanfilm” Kinostudiyasında lentə alınmış “Çölçü” filminin ssenari müəllifi Vidadi Həsənov, operatoru Rafiq Quliyev, rəssamları Rafiq Nəsirov və İbrahim Aminovdur.

Filmdə Vidadi Həsənov, Bəhruz Vaqifoğlu, Cavidan Məmmədov və başqaları çəkilib.

“Çölçü” filminin süjeti belədir: şəhər həyatından uzaqda, təbiətlə ünsiyyətdə gənc çölçü yaşayır. Atası Ulu ona çölçülük həyatının sirlərini öyrədir. Atası vəfat edəndən sonra o, qəsəbədən gəlmiş qızla tanış olur. Bu qızla tanışlıq onun həyatında yeni səhifə açır, böyük, onun tanımadığı dünyaya daxil olur...

M.MÜKƏRRƏMOĞLU,
”Xalq qəzeti”