Azərbaycanda AF Media İncəsənət məktəbinin açılışında iştirak etmək üçün “Cəsur və Gözəl”, “Medcezir”, “Ufak tefek cinayetler” seriallarının və  “Delibal” filminin rejissoru Ali Bilgin Bakıya dəvət edilib.

Aprelin 3-də Nizami Kino Mərkəzində keçiriləcək seminarda Ali Bilgin Türkiyədəki serial və film sektorunda baş verən proseslər haqqında təcrübəsini bölüşəcək, seminarda iştirak edən incəsənət adamlarının suallarını cavablandıracaq.

Qeyd edək ki,  Nizami Kino Mərkəzinin binasında yerləşən  AF Media İncəsənət məktəbinə qəbul davam edir. İncəsənət Məktəbində tanınmış türk rejissorları tərəfindən  aktyorluq dərsləri keçirilir.

M.MÜKƏRRƏMOĞLU,
“Xalq qəzeti”