Bu gün Mədəniyyət və Turizm Nazirliyinin təşkilatçılığı ilə 30 mart 2018-ci il tarixində, Nizami Kino Mərkəzində Azərbaycan tarixinin ən faciəli səhifələrindən olan 1918-ci il azərbaycanlıların soyqırımının 100 illiyinə həsr edilmiş anım tədbiri keçirilir.

Tədbirdə erməni daşnaklarının xalqımıza qarşı törətdiyi cinayətlərdən bəhs edən, rejissorlar Ələkbər Muradovun “Yaddaşın rəmzi. Quba-1918” və Zamin Məmmədovun “Xocalının zamini” sənədli filmləri nümayiş  olunacaq.

Qeyd edək ki, ümummilli lider Heydər Əliyevin 1998-ci il 26 mart tarixində imzaladığı “Azərbaycanlıların soyqırımı haqqında” fərmanla 31 mart “Azərbaycanlıların Soyqırımı” Günü kimi qeyd edilir. 

M.MÜKƏRRƏMOĞLU,
“Xalq qəzeti”