Mədəniyyət və Turizm Nazirliyi, Dövlət Rəsm Qalereyası, Təhsil Nazirliyi, Respublika Uşaq-Gənclər İnkişaf Mərkəzi, Azərbaycan Televiziya və Radio Verlişləri Qapalı Səhimdar Cəmiyyəti, Xətai Rayon İcra Hakimiyyəti, Rəssamlar İttifaqı və Xətai Sənət Mərkəzinin təşkilatçılığı ilə  "Azərbaycan  Xalq  Cümhuriyyəti  ili"  çərçivəsində uşaqlarda bədii zövqün formalaşmasını stimullaşdırmaq, yaradıcılıq duyğularının inkışafı, əhatə olunmuş mühitə  münasibət və ona yanaşma tərzinin mükəmməlləşməsinə təkan, ən əsasda doğma elə,vətənə məhəbbəti aşılamaq  məqsədi ilə  "Azərbaycanım" adlı  Respublika  Uşaq  Rəsm  Festivalı  keçirilir.  Festival  çərçivəsində müsabiqə də  elan  olunub.

Qeyd edək ki, müsabiqədə 15 yaşına qədər uşaq və yeniyetmələr  ən çox 3 əsər təqdim etməklə iştirak edə bilərlər. Əsərlərdə  uşaqların öz duyğu və düşüncələri yer almalıdı. Qaliblərə müxtəlif mükafatlar təqdim olunacaq.

Bağlanış Xətai Sənət Mərkəzində  keçiriləcək və festival iştirakçıları diplomla təltif olunacaqlar.

M.MÜKƏRRƏMOĞLU,

 “Xalq qəzeti”