Tbilisidə “Gürcüstan-Ukrayna-Azərbaycan– 2017” beynəlxalq fotosərgisi keçiriləcək.Sərginin açılış mərasimi  Gürcüstan Fotoqrafları Assosasiyasının təşkilatçılığı ilə Gürcüstan parlamentinin (Tbilisi, Qudiaşvili, 7) Milli kitabxanasının sərgi salonunda  martın 30-da təşkil ediləcək.

Sərgidə   “Gürcüstan-Ukrayna-Azərbaycan –2017” beynəlxalq müsabiqəsinin ən yaxşı fotoları yer alacaq. Müsabiqə FİAP-in dəstəyi ilə baş tutmuş üç salonda -2-ci Gürcüstan Draq-2017, 2-ci Beynəlxalq Karpat fotovernisajı-2017 və ilk dəfə olaraq Azərbaycan -2017 Beynəlxalq fotosalonunda keçirilmiş, 57 ölkədən 383 müəllifin 5292 fotosundan 4146 iş müsabiqədən keçmiş, onlardan 158 əsər mükafatlara layiq görülmüşdür.

Fotolar  “Sərbəst mövzu – ağ-qara”, “Sərbəst mövzu – rəngli fotoqrafiya”, “İnsanlar” və “Mənzərə” bölümündə təqdim olunmuş və qızıl, gümüş, bürünc medalları, diplomlara layiq görülmüşlər (ətraf www.photo-forum.euportalında). Həmçinin  qaliblərə mükafatlarla birgə kataloq da təqdim olunacaq.

31 mart - 2 aprel  tarixlərində Azərbaycan, Ukrayna və Gürcüstan fotoqrafları üçün fotogəzinti təşkil olunacaq və əsərlərinin elektron təqdimatı gecəsi təşkil olunacaqdır. Bu sərgi və mükafatlandırma Ukraynada və Azərbaycanda olacaq.

  Əfsanə BAYRAMQIZI,

   “Xalq qəzeti”