Azərbaycan Turizm və Menecment Universiteti 2018-ci il  mayın 25-26-da “İdarəetmədə multikultural dəyərlər” mövzusunda 3-cü respublika elmi konfransı keçirəcək.

Konfransın keçirilməsində əsas məqsəd müasir dövrdə müxtəlif sahələrin idarə olunmasında yol verilən nöqsanların müəyyənləşdirilməsi və onların aradan qaldırılması yollarının müzakirə edilərək tətbiqi üçün qəbulu və yeniliklərin daxil olunması istiqamətində perspektiv imkanların müzakirə edilməsidir.

Konfransda aşağıdakı istiqamətlər üzrə məruzələr dinləniləcək:

1. Multikulturalizm və tolerantlıq

2. Azərbaycançılıq və multikultural dəyərlər

3. Mədəni, etnik, dini müxtəlifliyin tolerant əsasları

4. Mədəni irsin təbliğində turizm faktoru

5. Multikulturalizmin təbliğində bədii mədəniyyətin rolu

6. Turizmin sosial-iqtisadi
inkişafa təsiri

7. Hüquq və multikulturalizm

8. Müasir idarəetmənin inkişaf tendensiyaları

Konfransda iştirak etmək üçün məruzənin mövzusu və müəllif haqqında aşağıda göstərilən məlumatlar daxil edilmiş ərizənin 2018-ci il  mayın 10-dək təşkilat komitəsinə göndərilməsi mütləqdir:

– Adı, soyadı, atasının  adı

– Elmi dərəcəsi

– İş yeri, vəzifəsi

– Poçt ünvanı (iş və ev)

– Telefon, faks ( şəhər kodu göstərilməklə)

– Elektron ünvan

– Məruzənin mövzusu

– İstiqaməti

– Texniki vasitələrdən istifadənin vacibliyi.

Təşkilat komitəsi proqrama uyğun olaraq məruzələrin seçimini və proqrama daxil edilməsi hüququnu öz üzərinə götürür, redaksiya heyəti isə proqrama daxil edilmiş məruzələrin redaktə olunması işini həyata keçirir. Elmi səviyyəsi tələblərə uyğun olmayan materiallar məruzə üçün qəbul edilməyəcəkdir.

Konfrans  Azərbaycan, rus və ingilis dillərində keçiriləcəkdir.

Məqalələrin tərtib olunma qaydaları:

Konfrans haqqında məlumat Azərbaycan Turizm və Menecment Universitetinin rəsmi saytında (http:// www.atmu.edu.az) və rəsmi facebook səhifəsində (www.facebook.com/atmu.official/?fref=ts)  yerləşdirilmişdir.

 Məqalə müraciət forması ilə birlikdə elektron şəkildə 2018-ci il  fevralın 16-dan mayın 10-dək [email protected] elektron ünvanına göndərilməlidir.

Əlaqə telefonu: (012) 4644233 (125). Ünvan: Bakı, Koroğlu Rəhimov küçəsi, 822/23.

Email: [email protected] 

Təşkilat komitəsi