A Ç I Q   T E N D E R   E L A N   E D İ R

Tender 2 lot üzrə keçirilir.

Lot – 1. Bankın daşınmaz əmlakının icbari sığortası və daşınmaz əmlakın istismarı ilə bağlı mülki məsuliyyətin icbari sığortası xidmətlərinin satınalınması.

Lot – 2. Bankın istifadəsində olan nəqliyyat vasitələrinin icbari və könüllü sığortası xidmətlərinin satınalınması.

Tender iştirakçılarına təklif edilir ki, öz tender təkliflərini möhürlənmiş, imzalanmış şəkildə ikiqat zərflərdə yazılı surətdə təqdim etsinlər.

Müqaviləni yerinə yetirmək üçün tender iştirakçıları lazımi maliyyə və texniki imkanlara malik olmalıdırlar.

İştirak haqqı hər bir lot üçün 100 manatdır.

BANKIN ADI: Azərbaycan Beynəlxalq Bankı

VÖEN : 9900001881

KOD: 805250

SWIFT: IBAZAZ2X

M/h: AZ03NABZ01350100000000002944

H/h: AZ12IBAZ34501019440000100100 AZN

H/h: AZ33IBAZ34511018400000100100 USD 

İştirak haqqı heç bir halda geri qaytarılmır.

İştirakçılar Azərbaycan dilində tərtib olunmuş əsas şərtlər toplusunu Bakı şəhəri, Nəsimi rayonu, Nizami küçəsi, 67 nömrəli ünvandan (əlaqələndirici şəxs: Emin İbrahimovdan, telefon: 012 4930091, daxili 2700, 2703, elektron poçt ünvanı: [email protected]) ala bilərlər.

Tenderdə iştirak üçün təqdim ediləcək sənədlər:

- tenderdə iştirak etmək üçün yazılı müraciət (ərizə);

- tenderdə iştirak haqqının ödənilməsi barədə bank sənədi;

- tender təklifi (tender zərflərinin açıldığı tarixdən (29 noyabr 2017-ci il) sonra azı 30 (otuz) bank günü (yəni ən azı 16 yanvar 2018-ci il tarixədək) qüvvədə olmalıdır);

- tender təklifi dəyərinin 1 (bir) faizi həcmində bank təminatı (tender təklifinin qüvvədə olma müddətinin sonuncu günündən azı 30 bank günü çox olmalıdır (yəni ən azı 26 fevral 2018-ci il tarixədək qüvvədə olmalıdır);

- iddiaçının Azərbaycan Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəliklərinin olmaması haqqında müvafiq vergi orqanından arayış;

- iddiaçının son bir ildəki fəaliyyəti haqqında vergi orqanları tərəfindən təsdiq olunmuş maliyyə hesabatının surəti;

- iddiaçının son bir ildəki (əgər daha az müddət fəaliyyət göstərirsə, bütün fəaliyyəti dövründəki) maliyyə vəziyyəti haqqında bank arayışı;

- iddiaçının tam adı, hüquqi statusu, nizamnaməsi, qeydiyyatdan keçdiyi ölkə və bank rekvizitləri;

- iddiaçının son bir ildə və cari ilin 9 ayı ərzində sığorta növləri üzrə hesablanmış sığorta haqları və verilmiş sığorta ödənişləri barədə məlumat;

- iddiaçının sığorta fəaliyyətinin həyata keçirilməsi üçün Azərbaycan Respublikasının Maliyyə Nazirliyi və ya Maliyyə Bazarlarına Nəzarət Palatası tərəfindən verilmiş lisenziya;

- iddiaçıya 2-ci lotda təsvir edilmiş könullü sığorta növləri üzrə fəaliyyətinin həyata keçirməsinə dair sığorta nəzarəti orqanı tərəfindən verilmiş müvafiq icazələr (yuxarıda göstərilmiş lisenziyaya əlavə olunmalıdır);

- iddiaçının icbari sığorta növü üzrə fəaliyyətinin həyata keçirilməsinə dair təsdiqedici sənəd;

- iddiaçının icbari sığorta bürosunun iştirakçı sığortaçıların reyestrinə daxil edilməsi üzrə təsdiqedici sənəd;

- iddiaçının öz mülahizəsinə uyğun digər sənədlər.

Sənədlər Azərbaycan dilində, 2 nüsxədə (əsli və surəti) tərtib olunmalıdır (xarici dildə olan tender təklifləri Azərbaycan dilinə  tərcümə olunmalıdır).

İddiaçılar tenderdə iştirak etmək üçün yuxarıda göstərilən sənədləri (tender təklifi və bank təminatı istisna olmaqla) 22 noyabr 2017-ci il saat 17.00-a qədər, tender təklifi və bank təminatını isə möhürlənmiş ikiqat zərflərdə 28 noyabr 2017-ci il saat 17.00-a qədər Bakı şəhəri, Nəsimi rayonu, Nizami küçəsi, 67 nömrəli ünvana təqdim etməlidirlər.

Göstərilən vaxtdan gec təqdim olunmuş zərflər açılmadan geri qaytarılacaqdır.

İddiaçıların təklifləri 29 noyabr 2017-ci il saat 11.00-da Bakı şəhəri, Nəsimi rayonu, Nizami küçəsi, 67 nömrəli ünvanında açılacaqdır.

İddiaçıların səlahiyyətli nümayəndələri iştirak edə bilərlər.

Tender komissiyası