{nl}

Azərbaycan Respublikası Mərkəzi Bankının İdarə Heyətinin 24 yanvar 2011-ci il tarixli qərarı ilə "Banklar haqqında" Azərbaycan Respublikası Qanununun 16.1-ci, 16.1.8-ci, 16.1.9-cu və 16.1.18-ci maddələrinə əsasən "Birlikbank" ASC-yə bank əməliyyatlarının aparılması üçün verilmiş 30.06.1993-cü il tarixli, 154 saylı lisenziya ləğv edilmişdir.
Həmin qərarla 24 yanvar 2011-ci il tarixdən "Birlikbank" ASC-yə müvəqqəti inzibatçı təyin edilmişdir. Müvəqqəti inzibatçı bankın yerləşdiyi müvafiq ünvanda fəaliyyət göstərir (Bakı şəhəri, Xətai rayonu, Nobel prospekti, 23).
"Banklar haqqında" Azərbaycan Respublikası Qanununun 18.1-ci maddəsinə uyğun olaraq "Birlikbank" ASC-nin bank lisenziyasının ləğv olunması barədə qərar dərc edildiyi günün ertəsi günündən qüvvəyə minir.