Azərbaycan Respublikası Maliyyə Nazirliyi
Azərbaycan Respublikası Maliyyə Nazirliyi Aparatının S.Vurğun küçəsi, 83 nömrəli ünvanda yerləşən inzibati bina korpuslarında yenidənqurma və genişləndirmə işlərinin davamının aparılması üçün ikinci mərhələnin layihə-smeta sənədlərinin hazırlanması məqsədilə
T E N D E R E L A N E D İ R
Tenderi keçirən: Azərbaycan Respublikası Maliyyə Nazirliyi
Ünvan: Bakı şəhəri Az 1022, S. Vurğun küçəsi, 83
1.Keçiriləcək tender Maliyyə Nazirliyinin S.Vurğun küçəsi 83 nömrəli ünvanda yerləşən inzibati bina korpuslarında yenidənqurma və genişləndirilmə işlərinin davamının aparılması üçün ikinci mərhələnin layihə-smeta sənədlərin hazırlanması təklif olunur:
2.Tender proseduru 2011- ci il mart ayının 14-də saat 10.00-da Azərbaycan Respublikası Maliyyə Nazirliyi Aparatı rəhbərinin otağında ( IV mərtəbə, otaq 404-406 №li ) keçiriləcəkdir.
3. Tenderdə iştirak etmək üçün iddiaçılar aşağıdakı sənədləri təqdim etməlidirlər:
3.1. Tenderdə iştirak etmək üçün ərizə;
3.2. iştirak haqqının ödənilməsi barədə bank sənədi (ödəniş qəbzi).
4.Tender təklifləri 2011-ci il mart ayının 2-də saat 10.00-dək Azərbaycan Respublikası Maliyyə Nazirliyinin maliyyə-inzibati şöbəsinə təqdim olunmalıdır.
4.1. tenderdə layihə-smeta sənədlərinin hazırlanması ilə məşğul olmaqla maliyyə imkanları olan, "Dövlət satınalmaları haqqında" Azərbaycan Respublikası Qanunu ilə müəyyənləşdirilmiş şərtlərə əməl edən iddiaçılar iştirak edə bilərlər;
4.2. tenderdə vasitəçilik fəaliyyətini həyata keçirən və maddi-texniki bazası (öz əmlakından sərbəst və məhdudiyyətsiz istifadə etmək imkanı) olmayan müəssisələr iştirak edə bilməzlər;
4.3. tender təkliflərində iddiaçı tender predmetini səciyyələndirən bütün parametrləri, o cümlədən işin icrasının texniki cəhətlərini, icra müddətini, dəyərini, hesablaşma formasını, işin icra yerini göstərməlidir;
4.4. iddiaçının yazılı şəkildə hazırladığı tender təklifi iki zərfə qoyulmalı və hər iki zərf iddiaçı tərəfindən imzalanıb möhürlənməlidir.
5. İddiaçı təqdim etdiyi sənədlərdə özü haqqında aşağıdakı məlumatları bildirməlidir:
5.1. Adı, ünvanı, hüquqi statusu, qeydiyyatdan keçdiyi ölkə;
5.2. fəaliyyəti barədə məlumat;
5.3. Azərbaycan Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəliklərin olmaması haqqında müvafiq vergi orqanlarından arayış;
5.4. son bir il ərzində maliyyə vəziyyəti barədə bank tərəfindən verilmiş arayış.
6. İddiaçı təklifin dəyərinin 5 faizi həcmində bank təminatı təqdim etməlidir.
7. Maliyyə Nazirliyinin S.Vurğun küçəsi 83 nömrəli ünvanda yerləşən inzibati bina korpuslarında yenidənqurma və genişləndirilmə işlərinin davamının aparılması üçün ikinci mərhələsinin layihə-smeta sənədlərinin hazırlanması məqsədilə keçirilən tenderdə iştirak edən iddiaçılar Maliyyə Nazirliyinə müraciət etdikdən və tenderdə iştirak üçün 300 manat ödədikdən sonra tenderin əsas şərtlər toplusunu ala bilərlər.
Tenderdə iştirak haqqı bu hesaba köçürülməlidir:
Azərbaycan Respublikası Maliyyə Nazirliyi
Mərkəzi Orqanlar üzrə Xəzinə İdarəsi
Hesablaşma hesabı: 33205019449328518204,
VÖEN 1700341881
Bank: Azərbaycan Respublikası Beynəlxalq Bankı
Kod: 805722,
Müxbir hesab: 0137010002944
VÖEN 9 900 001 881,
S. W. İ.F.T. Bik: İB AZ. Az 2 X
8. Təkliflərin qəbulu və əlavə məlumat almaq üçün əlaqələndirici şəxs Maliyyə Nazirliyinin maliyyə-inzibati şöbəsinin müdiri vəzifəsini icra edən E. Mahmudovdur. Əlavə məlumat almaq üçün 2011-ci il yanvarın 26-dan 2011-ci il martın 11-i saat 10.00-dan 17.00-dək müraciət etmək olar (fasilə saat 13-dən 14-dək).
Ünvan: Azərbaycan Respublikası, Bakı şəhəri AZ 1022, S.Vurğun küçəsi, 83, II mərtəbə, 215-ci otaq
Telefon: (99412) 404-47-48
Faks: (99412) 404-47-20 404-47-21
9.Tenderin əsas şərtlər toplusu Azərbaycan dilində tərtib olunmuşdur.
10. Tender "Dövlət satınalmaları haqqında" Azərbaycan Respublikası Qanununa uyğun keçirilir.

Tender komissiyası