AÇIQ  TENDER  ELAN  EDİR

Tender 1 (bir) lot üzrə keçirilir:

Lot – 1. Tibbi avadanlıqlar və ləvazimatların satınalınması.

Mallarla təchiz olunma müddəti 2017-ci il ərzindədir.

Tender iştirakçılarına təklif edilir ki, öz tender təkliflərini möhürlənmiş, imzalanmış şəkildə ikiqat zərflərdə yazılı surətdə təqdim etsinlər.

Müqaviləni yerinə yetirmək üçün tender iştirakçıları lazımi maliyyə və texniki imkanlara malik olmalıdırlar.

Tenderdə iştirak etmək istəyənlər aşağıdakı məbləğdə iştirak haqqını göstərilən hesaba köçürdükdən sonra Azərbaycan dilində tərtib olunmuş əsas şərtlər toplusunu Bakı, Nərimanov rayonu, C.Hacıbəyli küçəsi, 16 və18 nömrəli ünvanda yerləşən Ədliyyə Nazirliyinin Tibb Baş İdarəsindən (əlaqələndirici şəxs: Əliyev Emin İman oğlu, telefon:493-36-32) ala bilərlər.

İştirak haqqı 150 manatdır.

Təşkilat: 9 saylı Xəzinədarlıq İdarəsi

H/h: AZ31CTRE00000000000002478301

VÖEN: 1400421021

Bank: DXA

Kod: 210005

VÖEN: 1401555071

M/h: AZ85NABZ 01360100000003003944

S.W.I.F.T: CTREAZ22

Büdcə təsnifat kodu: 142340 ,büdcə səviyyə kodu: 7, ƏN-nin Tibb Baş İdarəsi

İştirak haqqı heç bir halda geri qaytarılmır.

İddiaçılar tenderdə iştirak etmək üçün aşağıdakı sənədləri təqdim etməlidirlər:

- tenderdə iştirak etmək üçün yazılı müraciət;

- tenderdə iştirak haqqının ödənilməsi barədə bank sənədi;

- tender təklifi (zərflərin açıldığı tarixdən sonra ən azı 30 bank günü qüvvədə olmalıdır);

- tender təklifi dəyərinin 2 faizi həcmində bank təminatı (zərflərin açıldığı tarixdən sonra ən azı 60 bank günü qüvvədə olmalıdır);

- Azərbaycan Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəliklərin olmaması haqqında müvafiq vergi orqanından arayış;

- iddiaçının son bir ildəki fəaliyyəti haqqında vergi orqanları tərəfindən təsdiq olunmuş maliyyə hesabatının surəti;

- iddiaçının son bir ildəki maliyyə vəziyyəti haqqında bank arayışı;

- iddiaçının tam adı, hüquqi statusu, nizamnaməsi, qeydiyyatdan keçdiyi ölkə və rekvizitləri.

Sənədlər Azərbaycan dilində, 2 nüsxədə (əsli və surəti) tərtib olunmalıdır (xarici dildə olan tender təklifləri Azərbaycan dilinə tərcümə olunmalıdır). Üstünlük Azərbaycan dilinə veriləcəkdir.

Tender proseduru “Dövlət satınalmaları haqqında” Qanuna uyğun keçiriləcəkdir.

İddiaçılar tenderdə iştirak etmək üçün yuxarıda göstərilən sənədləri (tender təklifi və bank təminatı istisna olmaqla) 2017-ci il oktyabrın 18-i saat 18.00-a qədər, tender təklifi və bank təminatını isə möhürlənmiş ikiqat zərflərdə 2017-ci il oktyabrın 25-i saat 18.00-a qədər Bakı şəhəri, Ceyhun Hacibəyli küçəsi, 16 və 18 nömrəli ünvanda yerləşən ƏN-nin Tibb Baş İdarəsinə təqdim etməlidirlər.

Göstərilən vaxtdan gec təqdim olunmuş zərflər açılmadan geri qaytarılacaqdır.

İddiaçıların təklifləri 2017-ci il oktyabrın 26-sı saat 11.00-da yuxarıda göstərilən ünvanda açılacaqdır.

İddiaçıların səlahiyyətli nümayəndələri iştirak edə bilərlər.

Tender komissiyası