2010-cu ilin mart ayından başlayaraq, vətəndaşların və vergi ödəyicilərinin vergi orqanlarına "İnternet Vergi İdarəsi" (www.e-taxes.gov.az) vasitəsilə Avtomatlaşdırılmış Vergi İnformasiya Sisteminin (AVİS) "Kargüzarlıq" altsistemində on-line müraciət etməsi imkanı yaradılmış və bu məqsədlə hər bir istifadəçi üçün fərdi elektron qutu (e-qutu) ayrılmışdır. Vergi orqanından hər hansı sənədin yalnız kağız daşıyıcısında göndərilməsi tələb edilən hallar istisna olmaqla, fərdi elektron qutusu olan şəxslərlə yazışmalar elektron formada aparılır.
Vergilər Nazirliyi hər bir vergi ödəyicisinin diqqətinə çatdırır ki, fərdi elektron qutusu olan vergi ödəyicilərinin müraciətlərinə cavab sənədləri məhz e-qutuya göndərilir.
Ona görə də mütəmadi olaraq e-qutularınıza daxil olan məlumatlarla tanış olmağı unutmayın!
Əlavə suallarla "195" Telefon-məlumat xidmətinə müraciət edə bilərsiniz.

Azərbaycan Respublikası Vergilər Nazirliyi