İ L L İ K   H E S A B A T I

1. Emitentin tam və qısaldılmış adı, vergi ödəyicisinin eyniləşdirmə nömrəsi (VÖEN), dövlət qeydiyyatının tarixi və nömrəsi:

Tam adı: “Mingəçevir Vibrodayaq Zavodu” Açıq Səhmdar Cəmiyyəti;

Qısaldılmış adı: “Mingəçevir Vibrodayaq Zavodu” ASC;

Dövlət qeydiyyatının tarixi və nömrəsi: 03.12.2015; 2700054581

2. Emitentin hüquqi ünvanı və olduğu yer:

Hüquqi ünvanı: AZ4500, Mingəçevir şəhəri, Energetiklər küçəsi, ev 02

Olduğu yer: AZ4500, Mingəçevir şəhəri, Energetiklər küçəsi, ev 02

3. Emitentin adında dəyişikliklər olduqda, emitentin bütün əvvəlki adları, habelə onların qeydiyyata alındığı tarixlər, emitent digər hüquqi şəxsin bölünməsi və ya tərkibindən ayrılması şəklində yenidən təşkil yolu ilə yaradıldıqda, yenidən təşkilin forması, həmin hüquqi şəxsin adı, emitent hüquqi şəxslərin birləşməsi və ya çevrilmə şəklində yenidən təşkil yolu ilə yaradıldıqda, yenidən təşkilin forması, həmin hüquqi şəxslərin adları:

Hesabat ili ərzində bu hallar baş verməmişdir.

4. Emitentin hesabat ili ərzində yaranmış və ləğv edilmiş filialları və nümayəndəliklərinin adı, olduqları yer və qeydiyyatları haqqında məlumatlar:

Hesabat ili ərzində emitentin hər hansı filialı və nümayəndəliyi yaranmamış və ya ləğv edilməmişdir.

5. Emitentin hesabat dövrü ərzində yaranmış və ya ləğv edilmiş hər bir törəmə cəmiyyətinin adı, təşkilati-hüquqi forması, hüquqi ünvanı, qeydiyyatı haqqında məlumatlar, nizamnamə kapitalında emitentin payı, hüquqi şəxsin emitentin törəmə cəmiyyəti hesab olunması üçün əsas olan müqavilənin bağlanma tarixi və qüvvədə olma müddəti:

Hesabat dövrü ərzində emitentin hər hansı törəmə cəmiyyəti yaranmamış və ya ləğv edilməmiş, yaxud hər hansı Cəmiyyətin emitentin törəmə cəmiyyəti hesab olunmasına əsas olan müqavilə bağlanmamışdır.

6. Emitent şirkətlər qrupunun bir hissəsi olduğu təqdirdə qrupun adı:

Emitent hər hansı şirkətlər qrupunun hissəsi deyil.

7. Emitentin məşğul olduğu fəaliyyət istiqamətləri:

Elektrik xətləri üçün dayaqlar və metalkonstruksiyalar istehsalı və satışı

8. Emitent lisenziya və ya icazəyə malik olduqda, onlar üzrə fəaliyyət növləri və qüvvədə olma müddətləri:

Hesabat dövrü ərzində lisenziya və ya icazə əldə edilməmişdir.

9. Emitentin təklif etdiyi məhsullar və xidmətlər:

Zavodun istehsal edəcəyi məhsullar 9.5 metr və 10.5 metr elektrik dirəklərindən ibarətdir.

10. Emitentin işçilərinin sayı və rüblük dinamikası:

Zavodda işçilərin sayı 4 nəfərdir.

11. Emitentin idarəetmə orqanları haqqında məlumat:

Müşahidə Şurası: İmaməliyev Vaqif Mirəli oğlu, Əliyev Təhmasib Ənvər oğlu

Direktor: Məmmədov Mustafa Əliş oğlu

12. Emitentin fiziki və hüquqi şəxs olan səhmdarlarının (payçılarının) ayrı-ayrılıqda sayı:

Fiziki şəxs olan səhmdarların sayı: 65 (altmış beş)

Hüquqi şəxs olan səhmdarların sayı: 1 (bir).

13. Emitentin nizamnamə kapitalının beş faizi və daha artıq həcmdə səsli səhmlərə (paylara) malik olan şəxslər (fiziki şəxsin soyadı, adı, atasının adı; hüquqi şəxsin adı, olduğu yer və VÖEN-i), onların hər birinə məxsus olan səhmlərin sayı (səhmlərin hər növü üzrə ayrı-ayrılıqda göstərilir) və emitentin nizamnamə kapitalında payı:

Hüquqi şəxs:

“Akkord Sənaye Tikinti İnvestisiya Korporasiyası” Açıq Səhmdar Cəmiyyəti – Hüquqi ünvanı (olduğu yer): AZ1033; Bakı şəhəri, Ağa Nemətulla küçəsi, məhəllə 1937; VÖEN: 9900080711;

Səhmlərin sayı: 179.149 (yüz yetmiş doqquz min yüz qırx doqquz) ədəd adi adlı sənədsiz səhm;

Emitentin nizamnamə kapitalında payı: 90,9382 %.

14. Emitentin nizamnamə kapitalında payı beş faizdən az olmayan hüquqi şəxslər (hüquqi şəxsin adı, olduğu yer, VÖEN-i, nizamnamə kapitalında emitentin payı):

Yoxdur.

15. Emitentin səhmdarlarının (payçılarının) hesabat dövrü ərzində keçirilmiş yığıncaqları haqqında məlumat:

15.1. Yığıncağın keçirilmə tarixi və yeri:01 iyun 2016-ci il, Mingəçevir şəhəri, Gəncə şossesi-3

15.2. Ümumi yığıncaqda qəbul edilmiş qərarlar: Müşahidə şurasının yeni tərkibinin formalaşdırılması,

İdarə Heyətinin ləğv edilməsi, Cəmiyyətin yeni redaksiyada nizamnaməsinin təsdiq edilməsi, Cəmiyyətin illik hesabatının təsdiq edilməsi, və cari məsələlər barədə qərarlar qəbul edilmişdir.

16. Emitentin dövriyyədə olan investisiya qiymətli kağızlarının buraxılışları haqqında məlumat (investisiya qiymətli kağızların hər buraxılışı ayrı-ayrılıqda göstərilir):

16.1. İnvestisiya qiymətli kağızın növü və forması: adi adlı səhm;

16.2.  İnvestisiya qiymətli kağızlar buraxılışının dövlət qeydiyyat nömrəsi və qeydiyyat tarixi: AY100100 30 yanvar 2002;

16.3.  İnvestisiya qiymətli kağızların miqdarı və nominal dəyəri: nomiünal dəyəri 2 (iki) manat olan 197.001 (yüz doxsan yeddi min bir) sayda adi adlı və sənədsiz səhm;

16.4.  İnvestisiya qiymətli kağızlar buraxılışının məcmu nominal dəyəri: 394.002 (üç yüz doxsan dörd min iki) manat;

16.5.  Hesabat ili ərzində emitent tərəfindən səhmlər üzrə ödənilmiş dividendlər haqqında məlumat (hesabat ilində səhmlərin hər növü üzrə ödənilmiş dividendlərin məbləği göstərilir): Hesabat ili ərzində emitentin qismən fəaliyyəti olmuş, əldə edilmiş 21299.75 manat xalis gəlir vergi qanunvericiliyinə görə əvvəlki üç ildə yaranmış ziyanın bağlanmasına yönəldilib.

16.6.  Faizli istiqrazlar buraxılışı buraxılışı haqqında məlumatda – istiqrazlar üzrə gəlirliyin illik faiz dərəcəsi: Emitent tərəfindən istiqraz buraxılmamışdır;

16.7. İnvestisiya qiymətli kağızların yerləşdirildiyi və ya tədavüldə olduğu fond bircasının adı və olduğu yer (olduqda): Bakı Fond Birjası – Ünvan: AZ1000; Bakı şəhəri, Bülbül prospekti, 19.

17. Emitent tərəfindən bağlanmış xüsusi əhəmiyyətli əqdlər barədə məlumatlar:

Hesabat ili ərzində emitent tərəfindən xüsusi əhəmiyyətli əqd bağlanmamışdır.

18. Emitent tərəfindən aidiyyatı şəxslərlə bağlanmış əqdlər barədə məlumatlar:

Hesabat ili ərzində emitent tərəfindən aidiyyatı şəxslərlə əqd bağlanmamışdır.

19. İllik hesabatın təsdiq edildiyi ümumi yığıncağın tarixi: 09 iyun 2017-cı il

20. İllik hesabatın açıqlanma mənbəyi haqqında məlumat:

İllik hesabat “Xalq qəzeti”ndə dərc olunacaq.

MÜSTƏQİL AUDİTORUN HESABATI

“Mingəçevir Vibrodayaq Zavodu” Açıq Səhmdar Cəmiyyətinin rəhbərliyinə

Müsbət rəy

1. Mən, “Mingəçevir Vibrodayaq Zavodu” Açıq Səhmdar Cəmiyyətinin 31 dekabr 2016-ci il tarixinə maliyyə vəziyyətinin hesabatından, məcmu gəlirlər hesabatından, habelə uçot siyasətinin əhəmiyyətli prinsiplərinin qısa təsviri də daxil olmaqla, əlavə edilmiş maliyyə hesabatlarının auditini apardım.

Hesab edirəm ki, əlavə edilmiş maliyyə hesabatları Cəmiyyətin 31 dekabr 2016-cı il tarixinə maliyyə vəziyyətini, habelə maliyyə nəticələrini, kapitalda dəyişiklikləri və göstərilən tarixdə başa çatan il üzrə pul vəsaitlərinin hərəkətini Maliyyə Hesabatlarının Beynəlxalq Standartlarına uyğun olaraq bütün əhəmiyyətli aspektlərdə düzgün və ədalətli əks etdirir.

Rəy üçün əsaslar

2. Mən auditi Beynəlxalq Audit Standartlarına (BAS) uyğun aparmışam. Bu standartlar üzrə mənim məsuliyyətim əlavə olaraq hesabatımın “Maliyyə hesabatlarının auditi üçün auditorun məsuliyyəti” bölməsində təsvir edilir. Mən maliyyə hesabatlarının auditinə aid olan etik normalar ilə Mühasiblərin Beynəlxalq Etika Standartları Şurasının “Etika məcəlləsinin” (IESBA məcəlləsi) tələblərinə uyğun olaraq şirkətdən asılı deyiləm və mən digər etik öhdəliklərimi bu və IESBA məcəlləsinin tələblərinə uyğun yerinə yetirmişəm. Mən hesab edirəm ki, əldə etdiyim audit sübutları rəyimi əsaslandırmaq üçün yetərli və münasibdir.

Əsas audit məsələləri

3. Əsas audit məsələləri mənim peşəkar mühakiməmə görə cari dövrün maliyyə hesabatlarının auditində ən əhəmiyyətli məsələlərdir. Bu məsələlər maliyyə hesabatlarının auditi baxımından və maliyyə hesabatlarına dair rəyimin formalaşdırılmasında bütövlükdə nəzərə alınmışdır və bu məsələlərə dair ayrılıqda rəy verilmir.

Maliyyə hesabatlarına görə rəhbərliyin və iqtisadi subyektin idarə edilməsinə cavabdeh olan səlahiyyətli şəxslərin məsuliyyəti

4. Rəhbərlik maliyyə hesabatlarının IFRS (Beynəlxalq maliyyə hesabatları standartlarına) uyğun olaraq hazırlanmasına və düzgün təqdim edilməsinə və rəhbərliyin fikrincə, dələduzluq və ya səhvlər nəticəsində əhəmiyyətli təhrif olmadığı maliyyə hesabatlarının hazırlanmasına imkan verən zəruri daxili nəzarət sisteminin təşkilinə görə məsuliyyət daşıyır.

Maliyyə hesabatlarını hazırladıqda, rəhbərlik şirkəti ləğv etmək və ya işini dayandırmaq niyyətində olmadığı, yaxud bunu etməkdən başqa münasib alternativ olmadığı halda, rəhbərlik şirkətin fasiləsiz fəaliyyət göstərmək qabiliyyətinin qiymətləndirilməsinə, müvafiq hallarda fasiləsiz fəaliyyətə aid olan məsələlər haqqında məlumatların açıqlanmasına və mühasibat uçotunun fasiləsiz fəaliyyət prinsipinin istifadə edilməsinə görə məsuliyyət daşıyır.

İqtisadi subyektin idarə edilməsinə cavabdeh olan səlahiyyətli şəxslər şirkətin maliyyə hesabatlarının verilmə prosesinə nəzarətə görə məsuliyyət daşıyır.

Maliyyə hesabatlarının auditinə görə auditorun məsuliyyəti

5. Mənim məqsədim edilmiş maliyyə hesabatlarında bir tam kimi, dələduzluq və ya səhvlər nəticəsində, əhəmiyyətli təhriflərin olub-olmadığına dair kafi əminlik əldə etmək və rəyim daxil olan auditor hesabatını dərc etməkdir. Kafi əminlik əminliyin yüksək səviyyəsidir, lakin o zəmanət vermir ki, əhəmiyyətli təhrif mövcud olduqda, BAS-lara uyğun olaraq aparılmış audit onu həmişə aşkarlayır. Təhriflər dələduzluq və ya səhvlər nəticəsində yarana bilər və ayrılıqda yaxud məcmu olaraq, istifadəçilərin belə edilmiş maliyyə hesabatları əsasında qəbul etdikləri iqtisadi qərarlarına təsir etmə ehtimalı olduğu halda, əhəmiyyətli hesab edilir.

Auditor rəyi iki nüsxədə hazırlanmışdır.

“Mingəçevir Vibrodayaq Zavodu” Açıq Səhmdar Cəmiyyəti ilə 11 aprell 2017-ci il tarixli SA seriyalı 06 saylı “Auditor xidməti göstərilməsi barədə” müqaviləyə əsasən “Mingəçevir Vibrodayaq Zavodu” ASC-nin
31 dekabr 2016-cı il tarixdə bitən il üzrə maliyyə hesabatlarının düzgünlüyünün auditinin nəticəsi barədə
 H E S A B A T

Mingəçevir şəhəri 03 may 2017-ci il

“Mingəçevir Vibrodayaq Zavodu” Açıq Səhmdar Cəmiyyəti haqqında ümumi məlumat

Mən, Azərbaycan Respublikası Auditorlar Palatası tərəfindən 06 yanvar 2017-ci il tarixdə verilmiş SA/267 Seriyalı İcazə əsasında fəaliyyət göstərən sərbəst auditor İsayev Telman Mabud oğlu «Mingəçevir Vibrodayaq zavodu» Açıq Səhmdar Cəmiyyətinin 31 dekabr 2016-cı il tarixdə bitən il üzrə fəaliyyət dövrünün maliyyə hesabatlarının düzgünlüyünün auditini apardım.

Auditə 01 may 2017-ci il tarixdə başlanıldı və 03 may 2017-ci il tarixdə başa catdırıldı.

Yoxlama mütəxəssis Qasımov Ələsgər Əlihüseyn oğlunun iştirakı ilə aparıldı.

Auditllə əhatə olunan dövrdə “Mingəçevir Vibrodayaq Zavodu” ASC-nin İdarə Heyətinin sədri vəzifəsində Məmmədov Mustafa Əliş oğlu, baş mühasibi isə Sadəddinov Əsabə Səfər oğlu işləmiş və hal hazırdada işləyirlər.

“Mingəçevir Vibrodayaq Zavodu” Açıq Səhmdar Cəmiyyəti Azərbaycan Respublikası Ədliyyə Nazirliyi tərəfindən 14 yanvar 2002-ci il tarixdə qeydiyyata alınmış və Dövlət qeydiyyatı haqqında D-3386 saylı Şəhadətnamə verilmişdir.

Azərbaycan Respublikası Milli Depozit Mərkəzinin 07 may 2017-ci il tarixli reyestrindən çıxarışa əsasən Cəmiyyətin səhmlərinin 179149 ədədi və ya 90,9381 %-i və “Akkord Sənaye Tikinti İnvestisiya Korpoprasiyası” ASC-yə, qalan 17852 ədədi və ya 9,0619 %-i 65 nəfər fiziki şəxsə məxsusdur.

Cəmiyyətin Nizamnamə kapitalı 394002 manat təşkil edir.

Cəmiyyətin fəaliyyətinin əsasını elektrik xətləri üçün dayaqlar, metalokonstruksiyalar istehsalı və satışı və Azərbaycan Respublikasının qanunvericiliyi ilə qadağan edilməyən digər fəaliyyət növlərindən ibarətdir. Cəmiyyət vergi ödəyicisi kimi 11 saylı Ərazi Vergi idarəsində 04 sentyabr 2004-cü il tarixdə qeydiyyata alınmış və 2700054581 saylı VÖEN verilmişdir.

Cəmiyyət DSMF-nin Mİngəçevir ıəhər şöbəsində qeydiyyatdan keçmişdir. Cəmiyyət 29 may 2002-ci il tarixdə Azərbaycan Respublikası Dövlət Statistika Komitəsində uçot vahidlərinin Dövlət reystrinə daxil edilmiş və 0074808 saylı şəhadətnamə verilmişdir.

Cəmiyyətin hüquqi ünvanı – Mingəçevir şəhəri, Energetiklər küçəsi 2-dir.

2. Dövrüyyə cədvəli və mühasibat (maliyyə) hesabatlarının auditi

“Cəmiyyət”in fəaliyyətinin 31 dekabr 2016-cı il tarixi dövrü üzrə tərtib edilmiş və aşağıdakı cədvəllərdə verilən balans üzrə aktivləri və passivləri barədə məlumatlar aşağıdakı cədvəldə göstərilmişdir:

 “Mingəçevir Vibrodayaq Zavodu” ASC-nin 31 dekabr 2016-cı il tarixə Mühasibat balansı aşağıdakı kimidir.

                                                                               (manatla)

Cəmiyyətin 31 dekabr 2016-cı il tarixi vəziyyətinə balans məlumatlarının riyazi yoxlanılması və əvvəlki ilə olan qalıqların üzləşdirilməsi zamanı kənarlaşma aşkar edilməmişdir.

31 dekabr 2016-cı il tarixə Cəmiyyətin mənfəət və zərər haqqında (xərclərin funksiyaları üzrə təsnifləşdirilməsi) aşağıdakı kimidir:

 Cəmiyyətin 31 dekabr 2016-cı il tarixdə bitən il üzrə əməliyyat gəlirləri 68188 manat, xərclərin həcmi 46888 manat olmaqla, mənfəətin həcmi 21300 manat olmuşdur. Cəmiyyətin 2016-cı il üçün tərtib edilmiş balans hesabatının və mənfəət və zərər haqqında hesabatının məlumatlarının riyazi yoxlanılması aparılmış və məlumatların riyazi yoxlanılması nəticəsində mənfəət və zərər haqqında hesabatın məlumatları arasında heç bir kənarlaşma aşkar edilməmişdir.

3. Pul vəsaitləri, bank və kassa əməliyyatlarının auditi

 “Mingəçevir Vibrodayaq Zavodu” ASC-nin nağd pul və pul vəsaitlərinin bank və depozit hesablarındakı qalıqları haqqında məlumatların açıqlanması aşağıdakı cədvəldə verilmişdir:

31.12.2016-cı il tarixə bank və kassa hesabında qalıq 10 manat olmuş, əvvəlki illə müqayisədə qalıq 9 manat artmışdır.

 Cəmiyyətin əlavə dəyər vergisi üzrə depozit hesabında vəsaitlərin hərəkəti aşağıdakı kimi olmuşdur.

4. Hesablaşma və kredit əməliyyatlarının auditi

Cəmiyyətin qısamüddətli aktivlərindən – ehtiyatlar üzrə olan məlumatlar aşağıdakı müqayisəli cədvəldə verilmişdir.

Cəmiyyətin ehtiyatları ilin əvvəli ilə müqayisədə dəyişməz qalmışdır.

Cəmiyyətin qısamüddətli debitor borcları haqqında olan məlumatlar aşağıdakı müqayisəli cədvəldə verilmişdir.

Cəmiyyətin qısamüddətli debitor borclarının məbləği il ərzində 44412 manat artmışdır.

Cəmiyyətin sair qısamüddətli aktivləri haqqında olan məlumatlar aşağıdakı müqayisəli cədvəldə verilmişdir.

Cəmiyyətin sair qısamüddətli aktivləri ilin əvvəli ilə müqayisədə sabit qalmşdır.

Cəmiyyətin qısamüddətli kreditor borcları aşağıdakı cədvəldəki kimi olmuşdur.

Cəmiyyətin qısamüddətli kreditor borcları ilin əvvəli ilə müqayisədə 31 dekabr 2016-cı il tarixə 78627 manat artmışdır.

Cəmiyyətin vergi və sair məcburi ödənişlər üzrə öhdəlikləri aşağıdakı cədvəldəki kimi olmuşdur.

Cəmiyyətin vergi və sair məcburi ödənişlər üzrə öhdəlikləri ilin əvvəli ilə müqayisədə 31 dekabr 2016-cı il tarixə 3365 manat artmışdır.

Cəmiyyət auditlə əhatə olunan 2016-cı ildə əlavə dəyər vergisi ödəyicisi kimi fəaliyyət göstərmişdir. Vergi hesabatları olan mənfəət vergisi və əlavə dəyər vergi, əmlak vergisi, torpaq vergisi bəyannamələri Azərbaycan Respublikası Vergi Məcəlləsinin tələblərinə uyğun olaraq tərtib edilir.

Cəmiyyət mənfəət vergisinin, əlavə dəyər vergisinin, torpaq və əmlak vergisinin ödəyicisidir. Bu vergilər üzrə büdcə ilə hesablaşmaların vəziyyəti aşağıdakı cədvəldəki kimi olmuşdur.

5. Əsas vəsaitlər (torpaq, tikili və avadanlıqlar) və qeyri- maddi aktivlərin auditi

“Mingəçevir Vibrodayaq Zavodu” Açıq Səhmdar Cəmiyyətinin əsas vəsaitlərinin hərəkəti haqqında məlumatların açıqlanması aşağıdakı kimidir:

 (manatla)

“Mingəçevir Vibrodayaq Zavodu” Açıq Səhmdar Cəmiyyəti 31 dekabr 2016-cı il tarixə əsas vəsaitlərinin ilkin dəyəri 1327593 manat, yığılmış amortizasiya ayırmaları 986508 manat və qalıq dəyəri 341085 manat təşkil edir.

6. Material dəyərlilərinin və istehsal ehtiyatlarının auditi.

“Mingəçevir Vibrodayaq Zavodu” ASC-nin ehtiyatlarının hərəkəti haqqında məlumatlar aşağıdakı kimidir:

                                                                         (manatla)

“Cəmiyyət”in ehtiyatları 31 dekabr 2016-cı il tarixə ilkin dəyərdə 52638 manat təşkil edir və əvvəlki dövrün məlumatları ilə müqayisədə sabit qalmışdır.

Material dəyərlilərinin və istehsal ehtiyatlarının uçotu saxlanıldığı, yerləşdiyi yerlər və maddi məsul şəxslər üzrə aparılır.

7. Əmək qanunvericiliyinə əməl edilməsi və əmək haqqı üzrə hesablaşmaların auditi.

Cəmiyyətin 31 dekabr 2016-cı il tarixdə bitən hesabat dövründə işçilərinin orta siyahı sayı 2 nəfər olmuşdur. Bu dövrdə istehlaka yönəldilmiş vəsaitlər 5400 manat olmuş, o cümlədən, əmək haqqının ödənişinə 5400 manat hesablanmışdır.

Hesablanmış əmək haqqına görə 22 faiz həcmində, 1188 manat məbləğində sosial sığorta ayırmaları hesablanmışdır və bu məbləğdən dekabr ayı istisna olmaqla qalan aylar üzrə hesablamalar və tutulmalar sosial müdafiə fonduna köçürülməsi təmin edilmişdir.

Hesablanmış əmək haqqı 3 % həcmində 162 manat məbləğində məcburi sosial sığorta ayırmaları tutulmuş və sosial müdafiə fonduna köçürülmüşdür.İşçilərlə Azərbaycan Respublikası Əmək Məcəlləsinin tələblərinə uyğun olaraq əmək müqavilələri bağlanmışdır.

Əmək haqqının hesablanması və əmək haqqından tutulmaların düzgünlüyünü yoxlayarkən nöqsan aşkar edilməmişdir.

8. Xərclərin auditi

“Cəmiyyət”in 31 dekabr 2016-cı il tarixdə bitən il üzrə mənfəət və zərər hesabatına daxil edilən xərclər aşağıdakı cədvəldə verilmişdir.

                                                                             (manatla)

“Cəmiyyət”in 31 dekabr 2016-cı il tarixdə bitən il üzrə əməliyyat xərclər aşağıdakı müqayisəli cədvəldə verilmişdir.

                                                                          ( manatla)

“Cəmiyyət”in 31 dekabr 2016-cı il tarixdə bitən il üzrə əməliyyat xərcləri 46888 manat olmuş və Mənfəət və zərər haqqında hesabata daxil edilmişdir.

9. Nizamnamə kapitalının və Kapital ehtiyatlarının auditi

“Mingəçevir Vibrodayaq Zavodu” Açıq Səhmdar Cəmiyyətinin Nizamnamə kapitalının hərəkəti barədə məlumatın açıqlanması aşağıdakı cədvəldə verilmişdir:

                                                                            (manatla)

“Mingəçevir Vibrodayaq Zavodu” Açıq Səhmdar Cəmiyyəti Nizamnamə kapitalının və kapital ehtiyyatlarının auditi zamanı ilin əvvəli ilə müqayisədə hər hansı bir dəyişiklik olmamışdır.

10. Maliyyə nəticələrinin təhlili

“Mingəçevir Vibrodayaq zavodu” Açıq Səhmdar Cəmiyyətinin 31 dekabr 2016-cı il tarixdə bitən il üzrə fəaliyyətinin maliyyə nəticələri aşağıdakı cədvəldə verilmişdir:      

                                                                                    (manatla)

“Mingəçevir Vibrodayaq Zavodu” Açıq Səhmdar Cəmiyyəti 31 dekabr 2016-cı il tarixdə bitən dövrdə fəaliyyətini 21300 manat mənfəətlə başa vurmuşdur. Əldə edilən mənfəət ötən illərin zərərinin bağlanmasına yönəldilmişdir.

11. Çirkli pulların yuyulması faktlarının qarşısının alınmasına dair tövsiyələr

Cəmiyyətin fəaliyyətinin auditi aparılan 31 dekabr 2016-cı il tarixdə bitən dövrdə çirkli pulların yuyulması əlaməti ola bilən faktlar, yəni, fiziki şəxsin hesabına və ya onun hesabından pul vəsaitlərinin əsassız olaraq köçürülməsi, nağd xarici valyutanın məqsədsiz xərclənməsi, kredit müqabilində ölkədən kənarda yerləşən bankdakı vəsaitlərin girov qoyulması, qüvvədə olan qanunvericiliyə əsasən avans ödənişin həyata keçirilməsindən sonra müqavilə üzrə malların ölkəyə gətirilməməsi, qiymətli kağızlarla qanunsuz əməliyyatların aparılması, bazar qiymətindən kifayət qədər fərqlənən əmtəə və valyutanın alınması və satılması, məqsədi bəlli olmayan investisiyaların alınması və satılması, böyük həcmli komissiyon haqlarının ödənilməsi, mühasibatlıqda uçota alınmadan böyük həcmdə pulların müştərinin hesabına köçürülməsi, offşor zonalarda ödənişlərin aparılması və sair çirkli pulların yuyulması halları yarada bilən faktlar müəyyən edilməmişdir.

12. Auditin nəticəsi üzrə təkliflər

“Mingəçevir Vibrodayaq Zavodu” Açıq Səhmdar Cəmiyyəti 31 dekabr 2016-cı il tarixdə bitən dövrünün maliyyə hesabatlarının düzgünlüyünün auditinin nəticəsi olaraq aşağıdakı təkliflər verilmişdir:

1.Azərbaycan Respublikası Maliyyə Nazirliyinin 13 yanvar 2009-cu il tarixli İ-08 saylı əmri ilə təsdiq edilmiş Maliyyə Hesabatlarının Milli Mühasibat Uçotu Standartlarına uyğun olaraq mühasibat uçotunun hesablar planı tətbiq edilsin.

Aparılmış auditin nəticəsi barədə hesabat eyni qüvvəyə malik olmaqla 2 (iki) nüsxədə tərtib edilərək, bir nüsxəsi sifarişçidə, ikinci nüsxəsi isə auditorda saxlanıldı.

Hesabatın doğruluğunu imzalarımızla təsdiq edirik.

ƏLAVƏ 3 – Mühasibat balansının forması

“Mingəçevir Vibrodayaq Zavodu” ASC
31 dekabr 2016-cı il tarixinə

                                                                            (manatla)

ƏLAVƏ 4 – Mənfəət və zərər haqqında hesabatın (xərclərin funksiyalar üzrə) forması

“Mingəçevir Vibrodayaq Zavodu” ASC
Mənfəət və zərər haqqında hesabat
(xərclərin funksiyaları üzrə) 31 dekabr 2016-cı il

                                                                      (manatla)

Xərclərin xüsusiyyətləri üzrə təsnifat əsasında əməliyyat xərcləri haqqında
MƏLUMAT