Bakı Xoreoqrafiya Akademiyası

2017-2018-ci tədris ilində aşağıdakı ixtisaslar üzrə əlavə təhsil almaq üçün qəbul elan edir:

• Xoreoqrafiya sənəti (sahələr üzrə)

• Sənətşünaslıq

• İnstrumental ifaçılıq

• Xalq çalğı alətləri ifaçılığı

• Menecment  

 Əlavə ixtisas almaq üçün əvvəlki ali təhsili və ya hazırda işlədiyi vəzifəsi seçdiyi ixtisasa uyğun gələn şəxslər BXA-nın müəyyənləşdirdiyi qaydaya əsasən müsabiqədə iştirak edə bilərlər.

Əlavə ixtisas almaq istəyənlər aşağıdakı sənədləri təqdim etməlidirlər:

• təhsil müəssisəsi rəhbərinin adına ərizə;

• təhsil haqqını ödəmək barədə təminatlı müqavilə;

• ali təhsil haqqında sənədin (diplomun) notarial qaydada təsdiq edilmiş surəti və qiymət kitabçasından çıxarış;

• əmək kitabçasından çıxarış;

• şəxsiyyət vəsiqəsinin surəti;

• 3x4 sm ölçüdə 4 ədəd fotoşəkil.

Sənədlər 2017-ci il iyulun 10-dan avqustun 10-dək həftənin 1-5-ci günləri saat 10.00-dan – 17.00 arası BXA-nın inzibati korpusunda qəbul edilir.

Əlavə ali təhsil almaq üçün BXA-ya sənədlərini təqdim edən şəxslərlə BXA-da yaradılan komissiya müsahibə aparır.

Müsahibədən uğurla keçənlər seçdikləri əlavə təhsil ixtisası üzrə ikinci bakalavr təhsili alan tələbələr sırasına qəbul edilirlər. İkinci bakalavr təhsili almaq şansı əldə etmiş və tələbələr sırasına qəbul olunmuş şəxslər əvvəlki ali təhsil ixtisaslarının uyğunluğundan asılı olaraq müvafiq təhsilə qəbul edilir və onlar üçün təhsil müddəti müəyyənləşdirilir.

Təhsil qiyabi formada Azərbaycan və rus dillərindədir.

Xaricdə təhsil almış şəxslər ikinci ali təhsil almaq üçün Azərbaycan Respublikası Təhsil Nazirliyində müvafiq prosedur (nostrifikasiya) keçməklə şəhadətnamə aldıqdan sonra sənədlərini təqdim edə bilərlər.

Təhsil ödənişlidir.

Təhsil haqqı müqavilə əsasında ixtisaslara uyğun olaraq müəyyənləşdirilir.

Ünvan: Bakı şəhəri, AZ 1014,

Rəşid Behbudov küçəsi 75.

Tel./ Faks: (+99412) 5973426, : (+99412) 5972843.

[email protected]

www.bxa.edu.az