Azərbaycan Respublikası Dövlət Neft Fondu (bundan sonra - ARDNF) “Dövlət satınalmaları haqqında” Azərbaycan Respublikası Qanununun V fəslində müəyyən edilmiş xidmət təkliflərinin cəlb olunması üsulu ilə fyuçers müqavilələrinin tətbiq edilməsində klirinq və icra xidmətləri üzrə xidmət təklifləri sorğusu (bundan sonra - XTS) elan edir

Klirinq və icra brokerləri (brokerlər) aşağıdakı tələblərə cavab verməlidirlər:

- klirinq brokeri kimi CME Goupun üzvü olması;

- fyuçers komission ticarətçisi kimi National Futures Association (NFA) üzvü olması;

- brokerin (brokerin kredit reytinqi olmadığı halda onun ana  şirkətinin) kredit reytinqinin investisiya dərəcəsindən aşağı olmaması;

- satınalma müqaviləsini bağlamaq səlahiyyətinin olması;

- öz əmlakından sərbəst və məhdudiyyətsiz istifadə etmək imkanı, habelə ödəmə qabiliyyəti olması;

- müflis elan olunmaması, əmlakı üzərində həbs qoyulmaması, ödənişə yönəlmiş girovun olmaması, məhkəmənin qərarı ilə kommersiya fəaliyyəti dayandırılmış şəxs olmaması;

- Azərbaycan Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəliklərinin olmaması;

- son beş il ərzində özlərinin, habelə işlərini idarə edənlərin, quluqçularının peşəkar fəaliyyətləri, yaxud satınalma müqaviləsinin bağlanması üçün ixtisas göstəricilərini yanlış göstərmələri ilə əlaqədar cinayətə görə məhkum olunmaması, yaxud onların müvafiq peşə fəaliyyətləri ilə məşğul olmasının məhkəmə qaydasında qadağan edilməməsi.

Maraqlanan şirkətlər XTS əldə etmək üçün aşağıdakı əlaqələndirici şəxslərə müraciət edə bilərlər:

Bayazid Məlikov, treyder

Tel: +994 (12) 498 77 53 (daxili 1607)

Elektron ünvan: [email protected]

Rüstəm Muradov, treyder

Tel: +994 (12) 498 77 53 (daxili 1610)

Elektron ünvan: [email protected]

Fax: +994 (12) 565 87 55

Təkliflər 1 avqust 2017-ci il yerli vaxtla 17.00 - dan gec olmayaraq ARDNF-in yerləşdiyi Bakı şəhəri, Heydər Əliyev prospekti, 165 nömrəli ünvana təqdim edilməlidir.