Açıq Tender Elan Edir

Tender 8  lot üzrə keçirilir:

Lot – 1. İstilik təchizatı obyektləri üçün müxtəlif ölçüdə metal boru və armaturların satınalınması.

Lot – 2. Qazanxanalarda qaz sayğacı və qaz avadanlıqları üçün ehtiyat hissələrinin satınalınması.

Lot – 3. Qazanxana və istilik şəbəkələri üçün nəzarət- ölçü cihazları, avtomatika avadanlıqları və onların ehtiyat hissələrinin satınalınması.

Lot – 4. İstilik təchizatı avadanlıqları üçün müxtəlif təyinatlı elektrik materiallarının satınalınması.

Lot – 5. Su hazırlığı və istilik mübadilə avadanlıqları və onların ehtiyat hissələrinin satınalınması.

Lot – 6. İstilik təchizatı təsərrüfatlarında xüsusi texnika və nəqliyyat vasitələrinin ehtiyat hissələrinin satınalınması.

Lot – 7. İstilik təchizatı obyektləri üçün müxtəlif təyinatlı material və polad prokatların satınalınması.

Lot – 8. İstilik şəbəkələrində qəza təmir və yenidənqurma işlərindən sonra asfalt örtüyünün bərpası.

Tender iştirakçılarına təklif edilir ki, öz tender təkliflərini möhürlənmiş, imzalanmış şəkildə ikiqat zərflərdə yazılı surətdə təqdim etsinlər.

Müqaviləni yerinə yetirmək üçün tender iştirakçıları lazımi maliyyə və texniki imkanlara malik olmalıdırlar. Təkliflərin qiymətləndirilməsində analoji işlərdə təcrübəsi, maliyyə vəziyyəti,  aşağı qiymət, yüksək keyfiyyət, müqavilənin vaxtında yerinə yetirilməsi üçün zəruri potensialın mövcudluğu meyarlarına üstünlükveriləcəkdir.

Tenderdə iştirak etmək istəyənlər lotlar üçün aşağıdakı məbləğdə iştirak haqqını göstərilən hesaba köçürdükdən sonra Azərbaycan dilində tərtib olunmuş əsas şərtlər toplusunu Bakı şəhəri, Xətai rayonu, X.Məmmədov küçəsi 3 nömrəli (əlaqələndirici şəxs: Rafiq Əliyev, telefon: (+99412) 579 52 98) ünvandan ala bilərlər.

İştirak haqqı lot – 1  500 manat,  lot – 2,
lot – 3, lot – 4, lot – 5, lot – 6, lot – 7 və lot – 8 hər biri 300 manatdır.

H/h: AZ62AİİB33010019442200226122

VÖEN: 1700531291

“Kapital Bank”ın Qaradağ filialı

Kod: 200220

VÖEN: 9900003611

M/h: AZ37NABZ01350100000000001944

SWİFT: AİİBAZ2X

İştirak haqqı heç bir halda geri qaytarılmır.

İddiaçılar tenderdə iştirak etmək üçün aşağıdakı sənədləri təqdim etməlidirlər:

– tenderdə iştirak etmək üçün yazılı müraciət;

– tenderdə iştirak haqqının ödənilməsi barədə bank sənədi;

– tender təklifi (zərflərin açıldığı tarixdən sonra ən azı 30 bank günü qüvvədə olmalıdır);

– tender təklifi dəyərinin 2 % -i həcmində bank təminatı (zərflərin açıldığı tarixdən sonra ən azı 60 bank günü qüvvədə olmalıdır);

– Azərbaycan Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəliklərin olmaması haqqında müvafiq vergi orqanından arayış;

– iddiaçının son bir ildəki fəaliyyəti haqqında vergi orqanları tərəfindən təsdiq olunmuş maliyyə hesabatının surəti;

– iddiaçının son bir ildəki maliyyə vəziyyəti haqqında bank arayışı;

– iddiaçının tam adı, hüquqi statusu, nizamnaməsi, qeydiyyatdan keçdiyi ölkə və rekvizitləri;

– müvafiq mallar üzrə mənşə və uyğunluq sertifikatları;

– digər sənədlər:

-analoji işlərin yerinə yetirilməsinə dair iddiaçının potensial imkanları haqqında məlumat;

-Dövlət Sosial Müdafiə Fonduna yerinə yetirilməsi vaxtı keçmiş öhdəliklərin olmaması haqqında arayış;

- satınalma müqaviləsinin icrasını təmin etmək üçün maddi texniki baza və  müvafiq sahədə peşəkarlığın, təcrübənin, texniki imkanların və  ixtisaslı işçi qüvvəsinin olmasını təsdiq edən hüquqi sənədlər.

Sənədlər Azərbaycan dilində, 2 nüsxədə (əsli və surəti) tərtib olunmalıdır (xarici dildə olan tender təklifləri Azərbaycan dilinə  tərcümə olunmalıdır).

Tender proseduru “Dövlət satınalmaları haqqında” Qanuna uyğun keçiriləcəkdir.

İddiaçılar tenderdə iştirak etmək üçün yuxarıda göstərilən sənədləri (tender təklifi və bank təminatı istisna olmaqla) 13 iyul  2017-ci il, saat 16.00-a qədər, tender təklifi və bank təminatını isə möhürlənmiş ikiqat zərflərdə 20  iyul  2017-ci il  saat 16.00-a qədər “Azəristiliktəchizat” ASC-nin Bakı şəhəri, Xətai rayonu, X.Məmmədov küçəsi 3 nömrəli ünvanına təqdim etməlidirlər.

Göstərilən vaxtdan gec təqdim olunan zərflər açılmadan geri qaytarılacaqdır.

İddiaçıların təklifləri 21 iyul 2017-ci il, saat 16.00-da yuxarıda göstərilən ünvanda açılacaqdır.

İddiaçıların səlahiyyətli nümayəndələri iştirak edə bilərlər.

Tender komissiyası