“Sumqayıt Kimya Sənaye Parkı” MMC tərəfindən 4 lot üzrə keçirilmiş təkliflər sorğusunda iştirak edən iddiaçıların təklifləri qiymətləndirilmişdir. Təkliflər sorğusunun nəticələri haqqında tender komissiyasının 28 mart 2017-ci il tarixli qərarına əsasən Lot -1. Sumqayıt Kimya Sənaye Parkının ərazisinə “Azərikimya” İB-nin texniki su xəttindən çəkiləcək alternativ texniki su xəttinin layihə-smeta sənədlərinin hazırlanması və Lot -3. Pirallahı Sənaye Parkının 30 hektar ərazisinin hamarlanması, su xətlərinin köçürülməsi, hasar və giriş-çıxış məntəqələrinin layihə-smeta sənədlərinin və baş planın hazırlanması işlərinin satın alınması ilə əlaqədar “AZİN Construction” MMC, Lot -2. Pirallahı Sənaye Parkının 30 hektar ərazisinin baş planının, ərazinin hamarlanması, hasar və nəzarət-buraxılış məntəqələrinin və mühəndis kommunikasiya xətlərinin layihələndirilməsi üçün aparılacaq mühəndis-geoloji və geofiziki tədqiqat işlərinin satın alınması ilə əlaqədar “ENGİNEER-GEOLOG” MMC və Lot - 4. Pirallahı Sənaye Parkının 20 hektar ərazisindən 35 kv-luq elektrik hava xəttinin köçürülməsi işləri üzrə layihə-smeta sənədlərinin hazırlanmasının satınalınması ilə əlaqədar “RYS Enerji Layihə” MMC qalib elan edilmiş və həmin təşkilatlarla 30 mart 2017-ci il tarixdə müvafiq satınalma müqavilələri bağlanmışdır.