Azərbaycan Respublikasının İqtisadiyyat Nazirliyi ümummilli lider Heydər Əliyevin anadan olmasının 94-cü ildönümü ilə əlaqədar KİV nümayəndələri arasında “Heydər Əliyev və iqtisadi islahatlar” mövzusunda yaradıcılıq müsabiqəsi elan edir.

Müsabiqəyə təqdim ediləcək məqalələr 8 min işarədən, televiziya və radio süjetləri isə 3 dəqiqədən az olmamalı, Azərbaycanda dövlət qeydiyyatına alınmış KİV-də yerləşdirilməli, materialların sonunda “İqtisadiyyat Nazirliyi tərəfindən KİV nümayəndələri arasında elan olunmuş yaradıcılıq müsabiqəsinə təqdim edilir” qeydi göstərilməlidir.

Materiallar KİV nümayəndəsinin vəsiqəsinin surəti ilə birlikdə 20 aprel 2017-ci il tarixədək İqtisadiyyat Nazirliyinə təqdim edilməli və elektron formada [email protected] ünvanına göndərilməlidir.

Qaliblər mükafatlandırılacaqdır.

Müsabiqə şərtləri ilə daha ətraflı İqtisadiyyat Nazirliyinin www.economy.gov.az internet səhifəsindən tanış olmaq mümkündür.