(Bakı şəhəri, Xətai prospekti, 49) 2018-2019-cu tədris ilinə ümumtəhsil məktəblərinin XI sinifləri üçün dərslik komplektlərinin nəşrinin və nəşr üzərində müstəsna hüquqların satınalınması məqsədilə açıq tender (müsabiqə) elan edir

Tender  19 lot üzrə keçirilir

I. Dövlət satınalmalarını tənzimləyən normativ hüquqi sənədlərdə göstərilən hallar istisna olmaqla istənilən rezident və qeyri-rezident hüquqi və ya fiziki şəxslər, yaxud hüquqi şəxslər birliyi dövlət mənsubiyyətindən asılı olmayaraq Azərbaycan Respublikasında keçirilən dövlət satınalma prosedurlarında iddiaçı kimi iştirak edə bilərlər. Azərbaycan Respublikası Prezidentinin 15 sentyabr 2016-cı il tarixli Sərəncamına əsasən icra hakimiyyəti orqanları və dövlət büdcəsindən maliyyələşən təşkilatlar tərəfindən 2018-ci il yanvarın     1-dək idxal mallarının (işlərinin, xidmətlərinin) satınalınması dayandırılmışdır.

II. Tenderdə dərslik komplektlərinin hazırlanması, eləcə də nəşr işləri sahəsində peşəkarlığı, təcrübəsi, texniki və maliyyə imkanları, işçi qüvvəsi, idarəetmə səriştəsi, etibarlılığı, satınalma müqaviləsi bağlamaq səlahiyyəti, ödəmə qabiliyyətli, öz əmlakından sərbəst və məhdudiyyətsiz istifadə etmək imkanı olan, müflis elan edilməyən, ödənişə yönəlmiş girovu olmayan, əmlakı üzərində həbs qoyulmayan, Azərbaycan Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəlikləri olmayan, məhkəmənin qərarı ilə kommersiya fəaliyyəti dayandırılmış şəxs olmayan, peşə fəaliyyəti ilə məşğul olması məhkəmə qaydasında qadağan edilməyən malgöndərənlər (podratçılar) iştirak edə bilərlər.

III. Tender “Dövlət satınalmaları haqqında” Azərbaycan Respublikasının Qanununa uyğun olaraq keçirilir. Tenderin prosedur qaydaları, təkliflərin təqdim edilməsi və qiymətləndirilmə meyarları əsas şərtlər toplusunda öz əksini tapır.

Tender iştirakçısı “Dövlət satınalmaları haqqında” Azərbaycan Respublikasının Qanunu, əsas şərtlər toplusunun məzmunu, o cümlədən iştirakçılar üçün  təlimatlar, tender sənədlərinin formaları, müqavilə şərtləri və texniki xüsusiyyətlər və s. ilə tanış olmalıdır. İddiaçının bu sənədlər və tender təklifi haqqında tam təsəvvürü, məlumatı olmaması və əsas şərtlər toplusunun tələblərinə uyğun gəlməyən təklif verməsi onun tender təklifinin kənarlaşdırılması ilə nəticələnə bilər.

Tenderdə iştirak edən müəssisələr dərslik komplektlərinin məzmun, dil, üslub  və bədii tərtibat (dizayn) baxımından keyfiyyətli hazırlanması, əsaslı redaktə və korrektəsi üçün   məsuldur.

IV. Tenderdə iddiaçı statusu almaq istəyənlər elan dərc olunduğu gündən

20 sentyabr 2017-ci il tarixə kimi aşağıdakı sənədləri təqdim etməlidirlər:

- tender prosedurunda iştirak etmək üçün yazılı müraciət;

- iştirak haqqının ödənilməsini  təsdiq edən bank sənədi;

- dövlət qeydiyyatı haqqında şəhadətnamənin notariat qaydasında    2017-ci ildə təsdiq edilmiş surəti;

- hüquqi şəxslərin dövlət reyestrindən çıxarışının notariat qaydada 2017-ci ildə təsdiq edilmiş surəti;

- hüquqi şəxsin nizamnaməsinin notariat qaydasında 2017-ci ildə təsdiq edilmiş surəti;

- vergi və sair icbari ödənişlərə dair borclarının olub-olmaması haqqında vergi orqanları tərəfindən verilmiş arayış (sənədlərin təqdim edildiyi tarixə);

- son bir ildəki maliyyə dövriyyəsi haqqında bank tərəfindən verilmiş arayış və bank rekvizitləri;

- son bir ildəki maliyyə vəziyyətini əks etdirən və vergi orqanları tərəfindən təsdiq olunmuş vergi bəyannaməsi;

- nəşr işləri sahəsindəki təcrübəsi barədə məlumat;

- müəssisənin işçiləri və avadanlıqları haqqında məlumat;

- sənədlər təqdim olunan vaxta Dövlət Sosial Müdafiə Fonduna verilmiş hesabatın surəti və Dövlət Sosial Müdafiə Fondunun arayışı;

- məhkəmə araşdırmalarına cəlb olunub-olunmaması barədə məlumat.

Qeyd:iddiaçı təqdim etdiyi sənədlərin, o cümlədən ixtisas göstəricilərinə dair məlumatların doğruluğuna görə məsuliyyət daşıyır. Tenderin əsas şərtlər toplusunun təqdim edilməsindən sonra onun izahı ilə bağlı satınalan təşkilat iddiaçılarla görüş keçirə bilər.

V. Tenderdə I lotdan XIX lotadək hər bir lot üçün iştirak haqqı 50.00 (əlli) manat ödənilir.

İştirak haqqı aşağıdakı hesaba köçürülməlidir:

Bakı şəhəri, Az 1008, Хətai prospekti, 49, Azərbaycan Respublikasının Təhsil Nazirliyi,

VÖEN 1500046011

DXA, VÖEN: 1401555071

kod 210005

M/h AZ41NABZ01360100000000003944

S.W.I.F.T.-CTREAZ22

H/h № AZ30CTRE00000000000002168501

Fond 7, büdcə gəlirlərinin təsnifatı 142340 sair daxil olmalar.

İştirakçıların iddiaçı statusu almaq üçün satınalan təşkilata ödədikləri iştirak haqqı heç bir halda geri qaytarılmır.

VI.  İddiaçılar əsas şərtlər toplusunda qeyd olunan bütün  lotlar və ya istədiyi lot üzrə tenderdə iştirak edə bilərlər. İddiaçılar hər bir lot üzrə yalnız bir tender təklifi  verə bilər.

VII.  Hər bir lot (lotlar) üzrə azı üç təklif təqdim olunduqda tender proseduru baş tutmuş hesab edilir. Üçdən az təklif daxil olan lot üzrə tender proseduru baş tutmamış elan edilir, satınalan təşkilat həmin lot üzrə tenderin davamından imtina edir və təqdim olunan tender təklifləri açılmadan geri qaytarılır.

VIII. Məzmun (keyfiyyət) və maliyyə (qiymət) təklifləri ayrı-ayrı zərflərdə (qutularda) və eyni tarixdə təqdim olunmalıdır. Tender təklifləri (məzmun və qiymət) zərflər açıldığı gündən sonra 90 (doxsan) bank günü qüvvədə qalır.

Məzmun (keyfiyyət) təklifi aşağıdakılardan ibarətdir:

- təklifin təqdimat vərəqəsi;

- dərslik komplektinin son çap versiyasından tam həcmdə olan 5 (beş) nüsxə 70x100  1/16 formatda olan maketi (termoyapışqanla cildlənmiş şəkildə, tam rəngli cilddə);

- dərslik komplektinin rus və gürcü dillərinə tərcüməsi son çap versiyasında,   1 çap vərəqi həcmində (3-18 səhifələr), cildi ilə birlikdə, 1 (bir) nüsxə nümunə maketi (maketləri) şəklində;

- iddiaçı məzmun təklifi ilə birlikdə həmin lot üzrə müəllifin (müəlliflərin) məlumat vərəqəsini (səhifə 32) ayrı zərfdə imzalanmış, üzərində qeydlər (müəllif (müəlliflərin) həmin dərslik komplektinin tenderə çıxarılması barədə rəsmi razılığı olmaqla) aparmaqla təqdim etməlidir. Həmçinin tenderə təqdim olunan dərslik komplektinin ən azı mətninin müəlliflik hüququ müəlliflərə məxsus olduğundan onların bu hüquqlarının qorunması və müəllif qonorarının ödənilməsi iddiaçılar və müəlliflər arasında bağlanan müqavilə əsasında ümumi maliyyələşmə hesabına tənzimlənməlidir. Bu barədə nəşriyyat və müəllif (müəlliflər)  arasında bağlanmış müddətsiz müqavilənin surəti də tenderə təqdim edilməlidir.

Məzmun (keyfiyyət) təklifi üzərində satınalan təşkilatın və iddiaçının adı, ünvanı, lotun nömrəsi qeyd olunmuş, bağlı, imzalanmış və möhürlənmiş zərflərdə (qutularda) təqdim olunmalıdır. 

IX.  Qiymət  (maliyyə) təklifi aşağıdakılardan ibarətdir:

- qiymət (maliyyə) təklifinin təqdimat vərəqəsi;

- iddiaçının qiymət (maliyyə) təklifi;

- təklifin dəyərinin 1 (bir) %-i həcmində olan bank təminatı (səlahiyyətli bank tərəfindən verilmiş bu təminatın qüvvədə olma müddəti tender təkliflərinin qüvvədə olma müddətindən azı 30(otuz) bank günü çox olmalıdır);

- iddiaçı iştirak etdiyi hər bir lot üzrə dərslik komplektinin nəşrinə dair qiymət (maliyyə) təklifini “Dövlət satınalmaları haqqında” Qanunun və əsas şərtlər toplusunun tələblərinə uyğun hazırlayaraq 1 (bir) ədəd əsli və bir ədəd surəti ayrı-ayrı zərflərdə olmaqla ümumi bir zərfdə təqdim edir. Hər bir zərf üzərində satınalan təşkilatın və iddiaçının adı, ünvanı, lotun nömrəsi qeyd olunmaqla iddiaçı tərəfindən imzalanmalı və möhürlənməlidir.

X. İddiaçılar məzmun (keyfiyyət) və maliyyə (qiymət) təkliflərinin zərflərini (bağlamalarını) 3 oktyabr 2017-ci il saat 18.00-dək tender komissiyasına təqdim etməlidirlər.

 Məzmun (keyfiyyət) və maliyyə (qiymət) təklifləri olan zərflərin (bağlamaların) açılışı 4 oktyabr 2017-ci il saat 15.00-da Təhsil Nazirliyində keçirilir (İddiaçıların nümayəndələri tender iclasında iştirak edə bilərlər).

XI. Bütün tender sənədləri Azərbaycan dilində tərtib olunmalıdır.

İşin icrasının başlanması tarixi satınalma müqaviləsi imzalandığl gündən,

işin yerinə yetirilməsi vaxtı satınalma müqaviləsi imzalandığı gündən 1 (bir) ay müddətində.

XII. İxtisas göstəriciləri və texniki şərtlərə cavab verən, məzmun qiymətləndirilməsi üzrə keçid balını (dərslik üzrə azı 80 bal, müəllim üçün metodik vəsait üzrə azı 32 bal) toplayan ən sərfəli (aşağı) qiymət təklif etmiş iddiaçı bal sistemi ilə aparılan ümumi qiymətləndirmənin yekun nəticəsinə uyğun tenderin qalibi olur.  

Əlavə məlumat üçün bu ünvana müraciət etmək olar:

Azərbaycan Respublikasının Təhsil Nazirliyi, Bakı şəhəri, Xətai prospekti 49, II mərtəbə, 203-cü otaq, tender üzrə əlaqələndirici şəxs Aynurə Novruz qızı Həsənova, əlaqə telefonları: 599-11-55 (əlavə 5219; 5126),        faks:  496-06-47, e-mail: [email protected]

Tender komissiyası