Azərbaycan Turizm və Menecment Universiteti

26-27 may 2017-ci il tarixlərdə “Azərbaycanda multikulturalizm və mədəni müxtəlifliyin turizm inkişafına təsiri” mövzusunda respublika elmi konfransı keçirəcək.

Konfransın keçirilməsində əsas məqsəd müasir dövrdə tolerantlığın, mədəni, dini və linqvistik  müxtəlifliyin  qorunması istiqamətində  aparılan  işləri  nəzərə alaraq  multikultural  dəyərlərin qorunmasının  daha mükəmməl modelinin hazırlanması və tətbiqi istiqamətində  aparılan tədqiqatların təbliği mexanizmini  hazırlamaq, mədəni-etnik müxtəlifliyin  dövlətçiliyin inkişafına xidmət göstərməsi yollarını müəyyənləşdirib həyata keçirməkdir.

Konfransda aşağıdakı istiqamətlər üzrə məruzələr dinləniləcək:

1. Multikulturalizm və tolerantlığın mahiyyəti və təbliği

2. Azərbaycançılıq və mədəni-etnik müxtəliflik

3. Mədəni, dini müxtəlifliyin tolerant əsasları

4. Multikultural dəyərlərin mədəniyyətlərin inkişafına təsiri

5. Mədəni irsin təbliğində turizmin rolu

6. Azərbaycan multikulturalizm mərkəzi kimi

7. Multikulturalizm təbliğində bədii mədəniyyətin rolu

8. Turizmin sosial-iqtisadi inkişafa təsiri

9. Mətbəx mədəniyyəti multikultural kontekstdə

10. İdman tədbirlərində multikultural dəyərlər

 Konfransda iştirak etmək üçün məruzənin mövzusu və müəllif haqqında aşağıda göstərilən məlumatlar daxil edilmiş ərizənin 2017-ci il mayın 1-dək təşkilat komitəsinə göndərilməsi mütləqdir:

- adı, soyadı, atasının  adı;

- elmi dərəcəsi;

- iş yeri, vəzifəsi;

- poçt ünvanı (iş və ev);

- telefon, faks ( şəhər kodu göstərilməklə);

- elektron ünvan;

- məruzənin mövzusu;

- istiqaməti;

- texniki vasitələrdən istifadənin vacibliyi.

Təşkilat komitəsi proqrama uyğun olaraq məruzələrin seçimini və proqrama daxil edilməsi hüququnu öz üzərinə götürür, redaksiya heyəti isə proqrama daxil edilmiş məruzələrin redaktə olunması işini həyata keçirir. Elmi səviyyəsi tələblərə uyğun olmayan materiallar məruzə üçün qəbul edilməyəcək.

Məruzə üçün seçilmiş materiallar konfransın başlanmasına qədər nəşr olunacaq.

Konfrans Azərbaycan və rus dillərində keçiriləcək.

Konfrans haqqında məlumat Azərbaycan Turizm və Menecment Universitetinin (http:// www.tourism.edu.az) saytında yerləşdirilmişdir.

Məqalə müraciət forması ilə birlikdə elektron şəkildə  2017-ci il fevralın 17-dən  mayın 1-dək  [email protected] elektron ünvana göndərilməlidir.

Əlaqə telefonu: (012) 4644233 (125).

Ünvan: Bakı, Koroğlu Rəhimov küçəsi, 822/23.

Email: [email protected]

Təşkilat komitəsi