Doktoranturaya ali təhsili olan (ali təhsil pilləsinin magistratura səviyyəsini bitirən, yaxud təhsili ona bərabər tutulan, tibbi təhsildə isə həkim və həkim-mütəxəssis) Azərbaycan Respublikasının vətəndaşları müsabiqə əsasında qəbul olunurlar.

Fəlsəfə doktoru hazırlığı üzrə qəbul üçün aşağıdakı sənədlər təqdim edilir:

1. Ərizə (doktoranturanın fəaliyyət göstərdiyi müəssisənin və yaxud təşkilatın rəhbərinin adına). (Ərizə tələb olunan digər bütün sənədlər elmi hissədə yoxlanıldıqdan sonra təqdim edəcəyimiz nümunə əsasında yazılır).

2. Kadrların şəxsi-qeydiyyat vərəqi (ADU-dan kənar universitetlərin məzunları və əməkdaşları kadrların şəxsi-qeydiyyat vərəqindəki şəkil olan və imzalanan hissəni bitirdikləri universitetlərdə və ya iş yerlərində möhürlətməlidirlər).

3. Tərcümeyi-hal (tərcümeyi-hal imzalanmalıdır).

4. 3 ədəd fotoşəkil  (3x4 sm ölçüdə) (şəkillərdən biri kadrların şəxsi-qeydiyyat vərəqində müvafiq hissəyə yapışdırılmalıdır).

5. İş yerindən xasiyyətnamə (iş yerindən xasiyyətnaməni müəllimlər işlədikləri kafedra müdirlərindən, məzunlar dekanlıqlardan, digər müəssisələrdə işləyən şəxslər isə həmin müəssisənin rəhbərlərindən almalı və möhürlətməlidirlər).

6. Ali təhsil müəssisəsini bitirmək haqqında diplomun müvafiq qaydada təsdiq edilmiş surəti (bakalavr və magistr) (diplomlara əlavə ilə), (xarici ölkələrdə təhsil almış Azərbaycan Respublikasının vətəndaşları üçün təhsil haqqında sənədlərin tanınması barədə şəhadətnamə). Elmlər doktoru proqramı üzrə sənəd verənlər üçün elmlər namizədi və dosentlik diplomlarının surəti. 

7. İş stajı olanlar üçün əmək kitabçasının surəti.

8. Şəxsiyyəti təsdiq edən sənədin surəti.

9. Çap olunmuş elmi əsərlərin siyahısı (seçilmiş ixtisas üzrə, minimum 2, elmi əsərlərin (məqalələrin, tezislərin) surətləri əlavə olunmaqla: çap olunmuş jurnalın üz qabığı, məqalənin özü və mündəricatın surəti əlavə olunmaqla).

10.  Məqaləsi olmayan və doktoranturaya sənəd verənlər üçün seçilmiş ixtisas üzrə referat (20-25 səhifə, elmlər doktoru, professorun rəyi, titul vərəqi, ədəbiyyat siyahısı olmalıdır).

Əldə olunmuş sertifikat və digər nailiyyətlər əlavə edilə bilər.

P.S: sənədlər qovluqda qəbul olunur.

Doktoranturaya qəbul olmaq istəyənlər ixtisas fənnindən, xarici dildən və fəlsəfədən ali təhsil pilləsinin magistratura səviyyəsi üçün qüvvədə olan tədris proqramları həcmində qəbul imtahanları verirlər.

Doktoranturaya sənədlər 2016-cı il dekabrın 22-dək qəbul edilir.

Qəbul imtahanları 2017-ci il yanvarın 15-dək keçiriləcəkdir.

Doktoranturaya qəbul imtahanlarına buraxılmış şəxslərə Azərbaycan Respublikasının Əmək Məcəlləsinə uyğun olaraq iş yerindən 30 təqvim günü müddətində ödənişli məzuniyyət verilir.

İstehsalatdan ayrılmaqla təhsil alan bütün doktorantlar təqaüdlə təmin olunurlar.

Qəbul olunanlar yataqxana ilə təmin edilmirlər.

Doktoranturaya  fəlsəfə doktoru proqramı üzrə 2016-cı il üçün qəbul planı

Fəlsəfə doktoru proqramı üzrə 2016-cı il üçün dissertantların
təhkimolunma yolu ilə qəbul planı

Elmlər doktoru hazırlığı üzrə doktoranturaya seçdikləri sahədə elmi və ya elmi-pedaqoji nailiyyəti olan, fundamental tədqiqatları yüksək səviyyədə aparmağı bacaran və “Fəlsəfə doktoru” (elmlər namizədi) elmi (alimlik) dərəcəsi olan Azərbaycan Respublikasının vətəndaşları qəbul edilirlər.

Doktoranturaya sənədlər 2016-cı il dekabrın 22-dək qəbul edilir.

Müsahibə 2017-ci il yanvarın 15-dək keçiriləcəkdir.

2016-cı il üçün elmlər doktoru proqramı üzrə doktorantların
və dissertantların təhkimolunma yolu ilə qəbul planı