Azərbaycan Respublikası 1 saylı Bakı İnzibati-İqtisadi Məhkəməsinin  29 avqust 2016-cı il tarixli 2-1(81)-4072/2016 saylı  qərarı ilə ASC-nin müflis elan edilməsi, iflas proseduruna başlanılması qərara alınmışdır. Həmin məhkəmənin 12 oktyabr 2016-cı il tarixli qərarına əsasən sığortaçının ləğvetmə komissiyasının tərkibi müəyyən edilmişdir.

 “Müflisləşmə və iflas haqqında” Azərbaycan Respublikası Qanunun 21-ci maddəsinə əsasən əmlak inzibatçısı təyin edildikdən sonra dərhal bu barədə borcluya bildiriş göndərməli, borclunun iflası və özünün təyin edilməsi barədə Azərbaycan Respublikasında nəşr olunan rəsmi dövri mətbuat orqanında azı 7 günlük fasilə ilə iki dəfə elan dərc edilməlidir.

İstinad olunan qanunun 43.2-ci maddəsinə əsasən kreditorlar borcluya öz tələblərini bu qanunun tələblərinə müvafiq surətdə borclunun müflis olması barədə bildirişin dərc edildiyi tarixdən ən geci 60 gün keçənədək yazılı şəkildə verə bilərlər. Odur ki, iflas prosesində olan “Alfa Sığorta” ASC-yə qarşı tələbi olan fizki və hüquqi şəxslər bu elanın dərcindən 60 təqvim günü ərzində tələblərini şırkətin ləğvedcisinə yazılı şəkildə təqdim etməlidirlər.

Tələblərin qeydə alınması üçün kreditorlar öz tələblərinin hüquqi əsasını sübut edən sənədləri və aşağıdakı məlumatları təqdim etməlidirlər:

a) kreditorun adı (adı, atasının adı, soyadı) və ünvanı;

b) iflas prosesinə başlanılması məqamınadək olan tələbin ümumi məbləği;

c) tələbin məbləğinə ödənilməmiş faizlərin daxil olması;

ç) tələbin məbləğinə hər hansı cərimələr və ya vergilər daxil edilməsi;

d) borclunun necə və nə vaxt borca düşdüyü barədə məlumat;

e) hər hansı mövcud təminat barədə məlumat, bu cür təminatın verilməsi tarixi və təminat zamanı kreditorun nəzərdə tutduğu məbləğ;

ə) tələbi imzalamış şəxsin soyadı, ünvanı və səlahiyyəti (əgər həmin şəxs kreditorun özü deyildirsə);

f) tələbin hüquqi etibarlığını sübut edən sənədlər (əgər bu cür sənədlər varsa). 

 Əlavə məlumat almaq üçün aşağıdakı ünvana müraciət etmək və ya aşağıda göstərilən telefon nömrələri, elektron poçt vasitəsi ilə əlaqə saxlamaq olar.

Ünvan: Bakı şəhəri, Xətai rayonu, Babək prospekti,  Ə.Quliyev küçəsi, 1131, “Babək Plaza” iş mərkəzi, korpusu C, 6-cı mərtəbə

Əlaqə telefonu (+994 12) 440 07 07

Email: [email protected]